فو1كه @fo1kh
كبيرة محررات
عندنا شغالة بالبيت = عندنا كاميرا خفيه !!
السلام عليكم ورحمة الله وبركاته
..................................
كيفكم بنات و صبايا وحريم وستات وأمهات وجدات وآباء وجدون وكل امرء وامرأه في الكون << حتى اللي ينقلون موضوعي وينسبونه لأنفسهن وانفسهم بعد :mad:
ماتحسوني اني رايقة ؟؟
وقسمن لألعبن بأعصابكن
مثل مالعبت اعصابي بي يوما
كنت مرة من المراريرات معزومه انا وبعلي في رمضان كريم شانتيه
هع
وكانت اول عزومه لنا عند هؤلاء القوم
زوجي يعرف الرجال معرفه بسيطه بس انا ماأعرفهم ابددددددددددن
الموهيم
الحرمه ياحليلها واضح عليها الإرتباك نوعا ما << ترى مرتبكة من خشتي تحسبني مفرد مذكر صالح
مع اني كنت حالقة شنبي موووس ومتكشخة هذاك الوقت :happy:
بس تبون الصدق انا قبل لاأدخل عليها كنت مكسوفه
بس يوم شفتها هي المكسوفه قلت مابدهاااش
السالفة ومافيها اكلت مما لذ وطاب من اطايب الطعام والطبيخ << الله يجزاهم خير
بعدين صليت المغرب
وعقبها قعدت لحالي في مكاني
وعادتي ما ناظر فيذا ولا فيذا وقسم
بس المشكله كان عندهم شغال مو شغاله
وهو اللي قعدني في قلق
المطبخ قدام المكان اللي قاعدة فيه
وماقدرت اطلع كشختي وجع :hmh:
يوم جت وقعدت معي قلتلها منو هذا <<ترى وجهي قوي شوي
هي مسيكينه فهمت من كلامي انو احسب هذا زوجها خخخخخ
قالت ترى هذا عامل
تو شغالتنا سافرت ولا لقينا الا هذا
يارحمن ارحم ضعفي وقوني اغسل مواعيني بنفسي:06:
المهم صارت كل مابغت تجيب شئ تدخل المطبخ وهو فيه
بس تتلثم وتدخل بملابسها عااادي
انا هنا قلبي اوجعني
قاعده اقول لنفسي يابنت ترى حنا في رمضان والكلمة الطيبه صدقه وهالله هالله بالنصيحة
شوي يقولي ابليس عيب ترى هذي اول زيارة
وانا ارد عليه اقول انقلع وراك ماتصفدت مع باقي الشياطين ياشيطان ؟؟ يلا امش
وصرنا انا وياه في شد ودفع
لحد لما انتصرت عليه
وقعدت الحرمه وياي بس مدري من وين ابدأ انصح!!
بصراحة كان الجو شوي حر من اللبس اللي علي وزياده عليه مافسخت عباتي بسبة العامل
قالت لي وراك ماتفسخين ؟؟
هنا انفتحلي الباب وجاء الفرج ،، قلت الرجال بالمطبخ وكل شوي طالع داخل مقدر
راحححت لمه وقالت له يطلع براااااا البيت هع هع هع << يستاهل مووو
يوم ارجعتلي فتحنا السالفة وقلتلها اشلون يقعد وياكم هذا ؟؟
قالت عادي هندي !!!!
بعدين يخلص شغله ثم يروح واذا احتجناه طلبناه
قلت طيب واذا هندي تراه رجال
قدموا على شغاله اريح !!
قالت والله خبيثات وعيونهم زايغه ومدري ايش
وحتى اختي سوت كاميرا تراقبهم وصاروا اذا مافي حريم بالبيت تكشخ ووووو
تدرون اني جاني مغص:eek:
اقولكم ليش
شفت فووووووق عالجدار وبالصدفه نقطة سودااا
خفت بصراحة واشتغلت الردارات عندي:freak6:
الوسواااس ماقصر معي
قعدت اطالع على هالنقطة وهي داخله جو بالسوالف
وانا بس اتابع هالنقطة << يقالها اكتشفت الكاميرا الخفيه
وحلفت يمين ان خشتي مايشوفها احدن غريب من الرجاجيل
وانا مدري عن هالناس وطبايعهم وش يضمني انهم مو حاطين كاميرا يراقبون الخدم عندهم
او ان العامل حطها يراقب اهل البيت عشان اذا طلعوا يدخل عالنت يسولف مع تينانا مرته اللي في بنقلادش
المهم صار وجهي احمر والدنيا تغلي في راسي الا اعرف وش هالنقطة
حسيت الحرمه استغربت مني بس مقدرت تسأل لأنها منحرجه وتوها ماأخذت علي .
استأذنت اروح دوره المياه << شكل الحرمه قالت ايييييي عرفت وش فيها وجهها محمر خخخخخخ
وانا رايحة عيوني على هذيك الدايره واقرب منها
واقرب واقرب واقرب
واقرب
الا تخيلوا لقيتها وش !!!!
مكان مسمار موخرينه من الجدار وصاير حفره صغننه:29:
بغيت ارجع مكاني عقب انتهت مهمة الإستطلاع قبل لأدخل دورة المياه
هع هع بس قلت كملي التمثيل ...
شوفوا يبنات وامهات وحريمات وكل اللي في القااااائمة اعلاه هع
من عقبها وسوست
صاير اي وحده عندها شغاله بالبيت قلت طيب لو راعي البيت حاط كاميرات !!!!!!!
وتصور 55 ساعه في اليوم
هل يسكرها لو جو ضيوف ؟؟
انا هوجست بزياده
ومدري معي حق ولا لأ؟؟
لأن احيانا في بعض البيوت فيها شبااااب
ما اشكك في احد عنده شغاله انه ممكن حاط كاميرا
بس قلتلكم اللي صااااااااااار لي ..
وسؤالي ليييييييييييييش البعض اصلا حاطينها ؟؟؟
حتى لو الشغاله بغت تسوي شئ سيئ لاقدر الله
وش بيفيد اذا عرفت عقب ماطيحت اللي براسها ؟؟
الرسول صلى الله عليه وسلم راعى هالشئ
وأمر بالوثوق فيمن تحت ايدينا من العمال
لأن الأصل في المرء المسلم الأمانه الا اذا وجد عليه مايخالف
واكيد تقولون من كثر بلاويهن معد فيه اماااان
حطي نفسك مكان شغالتك وان اهل البيت يراقبون حركاتك وسكناتك ونومك وقومك
بالله اي حياة هذي ؟؟
لايؤمن احدكم حتى يحب لأخيه مايحب لنفسه
خايفه من بلاويهن لاتجيبينهن من اساس
اما تبررين لنفسك الغلط بسبب الحرص الزايد فهذا محرم
(ولا تجــــــــــــــــسسوا )
............
ادررري في كثير راح يلوموني اني شكيت في اهل البيت وهم اللي اكرموني
بالله مو بحقي !!
عقب ماقالت الحرمه ان اختها حطت كاميرا تراقب شغالتها !! وكان باين من كلامها ان الوضع عاادي
وتبوني اقعد على الإبر اللي تنغزني بسبة هالحكي ؟؟
صرت اوسوس فترة من الكاميرات
بعدها قلت افااا عليك
وين ايمانك اللي تعرفينه ان الأصل في المسلم الأمانه ،، الا اذا شفنا منه غيرها
لو استمريت على هالخبال راح انقطع عن الناس
وصايره قبل الزيارات احصن نفسي
وافك شوشتي قصدي غطا خشتي
واتقهوى واتمزمز
واللعًاب اللي يصورني جعل يدينه للماحي
.........
يلا انطر اثرااااائكم للموضوع والأخذ والعطا
وآرائكم في الكاميرات المسلطة عالخدم
وآرائكم في الشك اللي صار معي
ويعطيكم الصحة والعافيه ومازولا ودوار الشمس
سلام ...
89
10K
يلزم عليك تسجيل الدخول أولًا لكتابة تعليق.
ههههههههههههههههه
حلوه قصتك والحذر واجب
والله يكون في عون المسلمين
والله يعطيك العافية ومشكورة على النصيحة
حلوه قصتك والحذر واجب
والله يكون في عون المسلمين
والله يعطيك العافية ومشكورة على النصيحة
من جدك تتكلمين؟؟؟؟ وش ذا الهندي اللي بوسط البيت ؟؟؟ ماعندها بنات تخاف عليهم ؟؟؟ عساي اقعد بدون شغاله ولا اجيب عامل بوسط بيتي يغسل المواعين <== كان قلتي لها يمدحون غساله المواعين :(
ثاني شئ سالفه كاميرات المراقبه احس اذا شكت الحرمه ان شغالتها فيها أن ممكن تحطها ووقت ماتكون طالعه واذا رجعت طفتها للامانه عشان ماتصور الضيوف
ثاني شئ سالفه كاميرات المراقبه احس اذا شكت الحرمه ان شغالتها فيها أن ممكن تحطها ووقت ماتكون طالعه واذا رجعت طفتها للامانه عشان ماتصور الضيوف
اول شي لاتحلقين شنبك بالموس ترا ====يكثرررر خخخخخخخخخ
والرجال البنقالي وجوده بالبيت غلط اصلن وحرام مافي شغاله
ادهري انتي بنفسك بالشغل قال بنقالي قال الشرهه على الرجال الديوث
وسالفت الكميرات المفروض تنحط بالاماكن الي يقعدون فيها الخدم
مو المجالسسسسسس
ناس عجيبه
الحرمه تغطي وجهها بالطرحه وتترك الدنيا تحت فاتحه
والرجال البنقالي وجوده بالبيت غلط اصلن وحرام مافي شغاله
ادهري انتي بنفسك بالشغل قال بنقالي قال الشرهه على الرجال الديوث
وسالفت الكميرات المفروض تنحط بالاماكن الي يقعدون فيها الخدم
مو المجالسسسسسس
ناس عجيبه
الحرمه تغطي وجهها بالطرحه وتترك الدنيا تحت فاتحه
الصفحة الأخيرة
ههههههههههه هنا مامسكت نفسي من الضحك
تسلمييييييييييييييين
ممممممممم بالنسبة للشك في الشغالات في بيتنا نسبته 90 % لاننا اكلنا علقتين منهم في مواقف مالها
داعي اذكرها هنا :35: