عندى اطفال صغار وبستقدم شغاله دلونى!!!

طيب ايش رئيكم بالكينيات ؟؟!!!

سيرلانكيه تحب الصغار ماشاء الله
بس مو نظيفه تمشي الحال

نصيحة لوجة الله ومن وحدة مجربه

شغاله لالالالا


اهملي بيتك اهملي نفسك. فتره لين يكبرون ولاتجيبين شغاله


كان عندي حبشيه واصريت إصرار مو طبيعي عشان اجيبها وأخذتها من ناس مدحوا فيها


لكن الادميية من دخلت بيتي وانا وزوجي وعيالي بهم الله يعلم فيه
ماعاد صار فيه حرية لي فبيتي وهذة طول وقتها مقابلتنا

بنتي عمرها اقل من سنتين بدات بسرعه ع جيتهاطباعها تتغير وتصرفاتها
صارت عصبية وتتنرفز وعنيدة وعنيفه


وانا متأكدة ان الشغاله لها دور بس ماأكتشفت عليها شي واضح غير تصرفات عاديه زي انها تأخذ من يدها الأشياء وتعاند بنتي

غير الوسواس انها تحط شي برضعات عيالي والا لما تغسل لبنتي اخاف انها تأذيها بعورتها

احنا كبار ونفهم بس هم لا

اي والله ياشيخة اذا ماكنتي مضطرة لهم فليش الهم اهتمي بأوﻻدك والله ﻻيحوجنا لهم ليش نضيع عيالنا عشان راحتنا

نظمي وقتك وان شاء الله تتسهل الامور ..

مو لازم كل شي يلمع كان الناس بيجيكم كل شويه .. لأ .

خصصي مثلا غرفة الالعاب تجلس فيها الالعاب .. المجلس نظفيه وقفليه لاتخليهم يلعبو فيه ويظل نظيف لدخلة الزوار الفجأة لو عندكم هالشي .

المطبخ جيبي رشاش كلوركس موجود بالسوبرماركت ,, في الليل اذا خلصتي طبخ اعطي المطبخ مسحه عالسريع به وعلى الفرن وماراح يتوصخ وتضطري تفركيه كثير .. او قرري تنظفيه كل ثلاث ايام .

يوم الجمعه مثلا خصصيه لنفسك او لبيتك يعني ماتطبخي ,, زيني فطور يشبعهم وفي الليل عشا من مطعم وباقي وقتك خليه للتنظيف او رعايتهم وتلعبي معهم .

اولادك محتاجين ام مو شغاله .. مافي احن منك على اولادك مهما صار .

حتى تغسيلهم وتنظيفهم ترى مو من مسؤوليتها .. هذي مسؤوليتك انتي .. اذا بتجيبي شغاله خلي عليها البيت وبس .. تخيلي نفسك مكانها ويجيك واحد غريب ويعطيك ولده يقول لك هاك نظفيه وغسليه كلما وصخ ؟؟

الله يسهل عليك والوضع صعب جدا ومجهد لكن احتسبي الأجر وخليكي مروقه ولاتهتمي كثير بالنظافه كثر اهتمامك برعاية اولادك .

موفقه .