عندى الكوشة ناقصنى افكاركم

عليكم السلام
بنت المدينه ياليت توضحين اذا مكان العرس فيه بلكون او بدون علشان يفرق لما وحده تعطي رايها في الزفه
وبعدين ايش الالوان اللي اعتمدتيها يعني لون الكوشه وغيره

علشان نساعدك مزبوط:26:

تحياتي
اموووووووووووووول

صحيح كلام اختي امول لان الصوره مو واضحه عشان نعطيج افكار لكن من كلامج اقدر اعطي انطباع مبدئي ان الكوشه رومانسيه فتحتاج اغنيه مثلها للزفه

والله اختي انا كانت كوشتي مقاربة لكوشتك ..هي كانت عبارة عن شجرة وتنقسم قسمين من النصف لاني اطلع منها بس بعد ماتنفتح الشجرة كان الحاجز اللي وراها وهو عبارة عن سما يرتفع وتطلع ستارة شيفون وانا اكون واقفة من وراها والقاعة مظلمة بس انا يطلع ظلي لان مسلط علي اضاءة اسمها الترا..المهم في فترة ماتنقسم الشجرة ويرتفع الحاجز كان الصوت عبارة عن عصافير وصوت الشجر والطبيعة..وبعد ماطلعت الستارة الشيفون وكنت واقفة وراها كان في شعر مكتوب علي انا وزوجي وبعد ماخلص اطلع بعد ماينفتح الشيفون وتبدى موسيقى الزفة وانا امشي على المسرح وموسيقى الزفة الصراحة انا اخذتها جاهزة يقول انها مالت بنت الامير بدر بن عبدالمحسن يوم زواجها مادري كان صادق ولا لا..عموما المحل اسمه مرياج هو اصلا في السعودية وعندنا فرع في قطر...الصراحة الزفة كانت اكثر من روووعه وانا تعبت لما اخترتها لاني اخترت من بين 3 علب من الاشرطة وانا اللي جمعت الشعر مع صوت العصافير مع موسيقى الزفة....انا عندي الشريط لو عجبتك الفكرة ممكن ابعث لك نسخة..

امووول فى بلكونه ولون القاعه عودى بس الى الان ماختارات الالوان بس اكيد راح يكون قريب من الاوان القاعه
ردينه ونا بعد اقول كذا بس ابغى فكرة ايش الموسيقى او الاغنيه فكرة للزفه تناسب هذا الكوشه

ام علاوى رووووووعه الزفه بس انا نفسى اطلع من كهف ونفسى يكون هذا الكهف فى البلكونه ومشكورة ياليت ترسلى لى نسخه من الشريط اذا مافيها تعب عليك