ياقلبي انا اقصد

حلبة المستنبته

يعني الحلبة اقصد تنبت تصير زي الزرعات الصغيرة بدون طين

علشان تناكل مع السلطة:27:

لا انا بتكلم عن الحبوب العا دية وبعدين تتحمص المستنبتة عادى تنقى الحلبة وتغسليها وتنقعيها شوية فى الماء ساعة اتنين و بعدين ممكن تسيبيها فى مصفى بعد ما تصفيها من الماء وترشيها بالماءكام مرة فى اليوم وغطي المصفى بقماشة نظيفة لحد ما تنبت كويس اشطفيها وكيسيها واعتقد ممكن تتحط فى الفريزر انا ما جربتش وهى حتاخد خمس ست ايام على ما اعتقد انا مش خبيرة ممكن تسالى غيرى او تجربى شوية بالطريقة دى

اسفة عايزة اقوللك ان الحلبة تنقعيها فى الماء الاول طول الليل وبعدين تجيبى المصفى على الحوض وتنزلى عليها الماء ترشيها يعنى كام مرة فى اليوم لحد ما تنبت وفى حاجة تانية عندنا اسمها الفول النابت للبرد بيتعمل للى يحبة وهى بالفول العادى ويستنبت بطريقة الحلبة ولكنة بتتعمل كشوربة يتسلق على النار بعد الاستنبات مع فصين توم مثلا وعصرة ليمون وكمون وملح يغلى وتخلية على نار هادية لحد ما يستوى وما تكتريش الماء زى ما بتعملى اى شوربة وانا بهدى النار على اى حاجة علشان ما اضفش ماء تانى ويبقى طعم الاكل مش كويس كدة اتعلمنا المهم تغرفى ويوكل مع خبز محمص ولو حابة تضيفى ليمون تانى فى طبقك ممكن وبالهناء والشفاء حبيت اضيف المعلومة دى لحاجة مستنبتة تانية

فى حاجة حبيت اضيفها عن الفول النابت والحلبة بعد ما تنقعية طول الليل وبعدين تبتدى ترشية تحت الحنفية بالماء كل شوية او اربع خمس مرات مثلا فى اليوم وهو على المصفى طبعا حتلاقية ينبت بعد يومين تلاتة اخر تانى يوم او تالت يوم الصبح تلاقية صالح للطهى اشطفية وكيسية وحطية بالتلاجة مش فاكرة ان كان ينفعينفع فى الفريزر ولا لا جربى كيس واهم حاجة تعملى على قد احتياجك عند الطهى لانة بالرغم من اضافة الليمون اثناء الطهى الشوربة بتسود لو قعدت ما استخدمتش على طول وهو طعمة حلو وبيتاكل مع عيش محمص قصدى على الفول النابت وطبعا قيمتة الغذائية عالية وهو عبارة عن شوربة من غير دهون وبتاكلى معاها الفول والعيش المحمص وانا استنبت الفول علشان اتأكد من زمن الاستنبات لانى لية فترة كبيرة ما عملتهوش وهو طبعا زى ما قلت يومين تلاتة يبقى خلاص وعلى فكرة انا مش بغطية بفترة الاستنبات معنديش حشرات وللة الحمد علشان ما يتكمرش وممكن ريحتة تغير و**** اعلم دى طريقتى

تسلمين يا قلبي

ربي يجزاك خير