عندى عزومة عشاء واريد مساعدتكم

ممكن تسوين نوعين او ثلاثه سلطه خذيها من المنتدى وسوي ورق عنب او اشتريه جاهز المعلب وسوي مقبلات مثل السمبوسه والكبه والكفته مثلا او الفطاير وصينية توست وصينية خضار وصينية كرات البطاطس اللي بالدجاج تحصلينها في المنتدى وسوي صينيتين حلى عشاء مثل التشيز كيك والقبه او اي نوع تحبين مع حلى الشتلات اللي في كاسات القهوه البلاستك وممكن سلطة الفواكه وممكن تسوين حلى قهوه نوعين من الانواع اللي تسوينها في صياني وتقطعينها صغار وتحطينها في ورق الحلى وخلاص ولو تبين تحطين عصير تسوينه او تشترينه جاهز والحلى بانواعه سويه قبل بيوم والصياني سويها في نفس اليوم من بدري والسلطات سويها على المغرب ودخليها الثلاجه ووقت التقديم بس حطي عليها الصوص والصياني بس تسخين وخليك مرتبه السفره من بدري علشان ماتحتاسين وحتى لو بتحطين مقبلات يبي لها قلي اقليها من بدري ورتبيها في صحون التقديم والله يوفقك واي سؤال انا حاضره

شوفي هذه المكروونه مسويتها روعة بمعنى الكلمه

http://forum.hawaaworld.com/showthread.php?t=1024947

وهذا الستيك للاخت كريكرة وممكن تعمليه بصدور الدجاج انا عملته لاني ما احب الستيك كثير وطلع لذيذ

http://forum.hawaaworld.com/showthread.php?t=742970

وهذا الايدام للاخت كريكرة وممكن تعمليه ايضا بالدجاج انا عملته وطلع ممممم لذيذ

http://forum.hawaaworld.com/showthread.php?t=879136

وهذه المكرونة لكريكرة لذييييييييييييييييييييييييذه

http://forum.hawaaworld.com/showthread.php?t=718975#Scene_1

وهذه السلطه اخذتها من المنتدى بس ناسية لمين لذيذه كمان

سلطة المكرونة

المقادير :

2 كاس مكرونة صغيرة حقت السلطة نسلقها بموية وشوي ملح وزيت
2 بطاطس كبيرة نقطعها مكعبات ونقليها.
1 علبة حمص حب.
1 علبة ذرة.
بصل أخضر _ خس _ بقدونس نقطعهم صغير.
الصوص :
2 علبة زبادي.
1 ملعقة كبيرة مايونيز
1 ملعقة خل أبيض
عصير ليمونه وحدة
شوي ملح.

الطريقة :

نخلط كل المقادير مع بعضهم بعدين نحط عليهم الصوص ونخلطهم عدل ؛؛
ويزين الوجة بمكعبات توست محمصة.

الله يجزاكم الفردوس الاعلى من غير حساب يارب

راح اكتب واضيف اللى كتبتوا الى قائمة الطعام

طيب تقترحون كم تكون الصوانى لان عدد المدعوات تقريباًمن 25 الى 28 ماشاء الله

مشكلتى ارتبك ولا يجينى النوم لا صار عندى عزومه

ما شاء الله الله يعينك عددهم كبير بس صياني العشاء ممكن تسوين ثلاث اصناف كل صنف صينيتين مثلا والحلى خليه منوع وحطي صياني كبار

هذا حلى سفرة صراحة خييال ويبيض الوجة وانا معتمدته عندي
المقادير:
الطبقة الاولى:بسكوت شاي مطحون+ربع اصبع زبدة
يخلط جيد ثم يرص في الصينية..
الطبقة الثانية:يخلط بخلاط العصير(علبة قشطة+علبة كريم كراميل+ظرف دريم ويب
+6 حبات جبن كيري+علبة زبادي)ثم يوضع فوق الطبقة الاولى ويوضع في الفرن الى ان يثقل شوي..
الطبقة الثالثة..كوب تقريبافيمتو +2 ملعقة نشا يخلط ويوضع على النار الى ان
يتماسك ويثقل شوي ثم يوضع فوق الطبقة الثانية بعد ان يبرد لايوضع وهو حار
ثم يوضع في الثلاجة

وهذي كيكة التفاح رهيييبه بعد
http://forum.hawaaworld.com/showthread.php?t=833927