عندي أخت مجنونه حركاتها حقيره ما أدري ايش تبغى مني

السلام عليكم





الموضوع باين من عنوانه

هاذي أختي مجنونه ما أدري ايش تحس فيه ؟

أنا مش مزوجه وهي متزوجه

وكل ما سمعت أختي خبر خطوبه أو زواج تيجي تقول لي

طيب حتقولوا هاذا شي عادي يعني أخبار وحتنتشر

لكن هي تحرص كل الحرص إنها هيا اللي تسبق وتعلمني بالخبر

وأحياناً تجي تعلمني عن ناس ما يهموني وإسلوبها استفزازي لأبعد درجه

وتنبسسسسسسسط بالمره لما تسمع أحد اتخطب وتيجي تقول لي كذا قدام الكل

فلااااانه أقوول لها نعم تقول لي دريتي إن فلانه انخطبت ؟؟
وهي تبتسم ابتسامه استفزازيه

أصير أنا أقول ما شاء الله مين أخذت الله يوفقها ومن هالكلام

مره اتخطبت بنت خالي أصغر مني وجات أختي عندي وهي متشققه من الوناسه
وتقول لي فلانه انخطبت وتبقى كدا تناظر فيني تشوف ردة فعلي
انا ابتسمت وكملت أكلي

والله العظيم كل ما دخل احد من اخواتي أو اخواني على طووول تقول ما دريتووا فلانه اتخطبت
والله صاروا أخواني يقولوا لها طيب انتي اش فيك مهتمه بالموضوع للدرجه هذي ؟
من كثر ما عادت وزادت في نفس الموضوع

وتروح تقول لأخويه صغير لساتو في الثانوي تقول له يلا عقبال ما نخطب لك وتطالع فيني

آآآآآآآآآه تقهرني وربي تتعبني تتعمد تستفزني

وتقعد تحكي فيهم يومين تلاته الحين فلانه مبسوطه
الحين فلانه شكلها رح تسوي ملكه كبيره
وفلان شكله فرحان بفلانه
و و و هذي سوالفها دايمن

عاد اذا تحددت الملكه والا الزواج تقعد تتكلم تقولوا كأنها أمهم
الحين فلانه مشغوله تتجهز الحين فلانه عند الكوافيره الحين فلانه بتطلع حلوه

واذا خلصت المناسبه تتصل على اللي حضروا وتسألهم كيف كانت
وتجي عندي تعلمني دريتي ان فلانه طلعت حلوه
دريتي إن فلانه انخطبت
دريتي إن بنت جدة عمتي انخطبت

والمشكله تتعمد تقولها لما أكون موجوده

تيخلوا جات أمي مره قالت لها فلانه حتملك هاذي اليومين
راحت اختي على طول لفت وجهها عليه وقالت صحييييح !!!
تبغى تشوفني مبسوطه والا مقهوره عشان هذي البنت على قدي وكانت تدرس معايه في الثانوي

المشكله أختي هذي ما تزوجت إلا لما صار عمرها 32
وتوها تزوجت لها 3 سنين
وتقعد تسوي فيني هذي الحركات عشاني متأخره في الزواج ؟
حسبي الله فيها ونعم الوكيل
يعني أنتي ذقتي مرارة التأخر في الزواج ليش تسوين فيني كذا

والله لما أجلس مع وحده فاقده شي زوج أو أطفال أو أب أو أم
أحاول إني ما أجيب موضوع هذا الشي اللي هيا فاقدتو عشان ما تتحسس
وهذي أختي من لحمي ودمي كل سوالفها تستفزني

أنا اجيها منها وإلا من بنات خالتي اللي حتى هم بس سوالفهم عن الزواج ويحاولوا يستفزوني

لا تقولوا لي أنا حساسه
لا كل شي واضح وظاهر
عندي أختي اللي أصغر منها غير عنها وما عمرها جابت طاري خطوبه مراعاه لمشاعري
مو إنها تخبي عني .... لكن هيا تدري إني رح أعرف من انتشار الخبر
وبنت عمي كمان تشوف هذي المواقف اللي تسويها أختي وتقول نفس كلامي

حسبي الله ونعم الوكيل
والله صرت أتمنى أتخطب بس عشان يسكتووووووا عني
أنا راضيه بقضاء الله وقدره .... لكن هم يتعبوني لدرجة إني أجزع وأعترض وأتمنى بس أتزوج وأفتك منهم
ياااااااه كم ضاق صدري بسبة أختي

دعواتكم الله يفرج عليه


إضافه
اللي يقهرني كمان زياده إن كل قريباتي وصديقاتي تزوجوا
قبل فتره اجتمعوا صاحباتي من أيام المدرسه واتصلوا عليه يسألون حأجي و لا لا
أسمع عندهم صوت أطفالهم يصايحوا ويبكوا آآآآآه انكسر قلبي وربي
وقلت لهم آسفه ما أقدر أجي
وأنا مارحت عشان ما تنكسر نفسي لما أشوفهم
يكفي إنهم يرسلون لي صور اطفالهم وانا احترق في داخلي وأدعي لهم بالبركه
انا ما أحترق قهر ..... لا وربي أنا أحترق شوق لأني أكون أم
وبنات خالاتي لما أجتمع معاهم كللللللللهم متزوجات وأطفالهم معاهم آآآآآآآه وربي تدمع عيني
لما أتذكر كيف كنا صاحبات وأطفال وفجأه كبرنا ونفس الجمعه واللمه بس فارق طفل في يد كل وحده إلاّ أنا
واخواتي اللي انشغلوا عني بأطفالهم وحتى لما نجتمع وأفرح فيهم تصير سوالفهم كلها عن الاطفال
وأختي اللي تكلمت عنها في البدايه هيا بالذات تتعمد أو لما أدخل عليهم تفتح سيرة زوجها وأطفالها
وأحيان تقول لي سوالفنا ما تناسبك روحي لمكان ثاني
تخيلوا قالت لي هذي الكلمه قدام أخواتي زوجة اخويه حسبي الله فيها ونعم الوكيل
وربي ما أنسى كلمتها هذي يوم تطردني قدامهم
وربي رحت غرفتي وبكيت لين قلت بس
والحين بدأو يتزوجون اللي أصغر مني واسمعي أنواع المقارنات والكلام اللي يسم البدن
غير عن أمي وأبويه الله يهديهم اللي حسسوني إني شي غلط
وما أصير شي صح إلا لما أتزوج كل ما طلبت حاجه قالوا اذا تزوجتي سويها
آآآآآآآآآآآآآآآآآآآآآه يا قلبي وربي تعبانه تعبااااااااانه تعباااااااااااااانه
وفوق هذا بنت عمي عندي في الماسنجر حاطه صورة أخوانها في ملكتهم
وفي هالإجازه زواجهم ماشاء الله تبارك الله
واحد منهم كان رح يخطبني لكن ما صار وكله خيره
والحين أشوف صورته بالبشت في الماسنجر آآآآآآآآآآآه شي يقطع القلب قطعه قطعه
كان ممكن في يوم أصير أنا العروسه اللي جنبه
وهذا بالذات يوم خطب تشققت أختي من الوناسه وصارت تتكلم فيه بكثره

لكن الله عالم بما تخفي الصدور والفرج قريب بإذن الله
الله يفرج على كل مسلم ومسلمه مظلومه ومهمومه