السلام عليكم و رحمة الله و بركاته ...
خواتي عندي اسالة بسيطه ارجوا اللي يعرف اجوبتها ما تبخل علينا ...
انا صار لي تقريبا 18 يوم ماشيه عالتخفيف و حساب السعرات ....
و قبل الرجييم كان وزني تقريبا 84 و طولي 155
و سؤالي الأول :
كيف اقدر احسب السعرات الحرارية الازمه عشان انقص وزني ؟
و كم عدد السعرات الكاملة لليوم الازمه اني آخذها عشان انقص تقريبا الــ 30 كيلو
بــ 3 أشهر أو 4 أشهر ماعندي مانع بس مب أكثر + الرياضه طبعا
للعلم :
انا دخلت عدة مواقع بس يختلفون بطرح الموضوع
يعني مب كلهم نفس الشي و انا احترت شو الصح ؟؟؟
ياليت اللي عندها الطريقه الصحيحه تفيدنا فيها ...........
السؤال الثاني :
كم المدة الازمه للقيام بالرياضه أثناء الرجيم( باليوم ) ....
مع العلم :
أنا استخدم الآلات هذي :
آلة الدرج ( الصراحه متعبه واااااااايد) بس ماشاء الله الحينه لي تقريبا 5 ايام
استخدمها بس شووو ترتب الجسم و الحمد لله رب العالمين
أمشي عليها باليوم 3 مرات متفرقات
يعني الصبح ( 10 دقايق ) ... العصر ( 10 دقايق ) ... بعد العشا ( 10 دقايق )
يكون المجموع الكلي لليوم 30 دقيقه اوقات 36 دقيقه
ويكون مجموع حرق السعرا 190 لـــ 200 على حسب الخطوات
مرات امشي 1000 اوقات 1500 خطوة
هل صح اللي اسويه ؟؟
و هذي صورتها
و استخدم آلة شد البطن :
الصبح ( 20 و اوقات 30 تمرين ) ... بعد العشا ( نفس الشي )
و ماشاء الله احس انها تشد البطن اللي فوق بس يبالها استمرار
هذي الصورة
و اشكر كل من يفيدني :26:
حساب السعرات بالفعل يختلف من موقع الى اخر
بس في هذي الطريقة المتبعة في برنامج الرابح الاكبر
اللي هي تحويل وزنك الحالي الى باوند
بضرب الوزن في 2.2
بعدين تضربينه في 7
بيطلع لك عدد السعرات اللازمة
للتنحيف تناولي اقل
اذا اشتبهت عليك المواضيع خذي اقل شي افضل
انا اسوي كذا
بالنسبة للالات ما عندي فكرة