عندي أقتراح وابي رايكم .

بسم اللة الرحمن الرحيم

صراحة انا متضايقة من اللي يصير في وطنا الغالي .
التلفزيون يعرض نساء كاشفات الوحدة منهن ماتجي اللي وهي كابة المكياج على وجها وتحاور الرجال بعض اللقائات اللي سمعتها فيها مصايب دعوات لتحرر طبعا ما قالتها واضحة جابتها بطريقة ثانية مثل قولتها مافيها شي كشف الوجة وغيرها .
المستمع لتلفزيون السعودي او القارئ للجرايد بيلقى كوارث وكلها محورها الفتاة او المراءة السعودية
صارن يطلعن في التلفزيون مقدمات برامج او في ضيافة هذة البرامج التلفزيونية.
كذلك الحال للجرايد من مدة شفت الجريدة <المحترمة> الرياض عارضة صور البنات السعوديات
اللي يدرسن في لبنان . البنات فيها كاشفات يعني بناطيل جينز والشعور مفللة < ويضحكن بعد واللة واللة اني ادور عليهن كلهن سبحان اللة ماحلاهن اللة حال الي تترك الستر اللهم لاشماتة .
حت البنات المستحيات لابسات جينزوحجاب على الراس< يقال انها ستيرة >
الكارثة وشي سفيرنا الغالي في لبنان واقف بينهن ومستانس يضحك بين بنات بلدة الكاشفات ويضحك انا مدري هل يضحك من الفشيلة او الوناسة ؟
الموجة الجديدة اللي صايرة الحين ان المراءة السعودية لازم يكون لها حضور ولها راي في مجتمعها
ماشي يكون انا راي يكون لنا صوت في المجتمع انا اتمناها .
لا كن مو معنا ان يكون لي صوت وحضور اني لازم اطلع في التلفزيون واتكلم او اتصل على البرنامج
واسمع الرجاجيل صوتي لا لا لا لا لا والف لا طيب وش الحل ؟

منتدى عالم حواء
هوصوتنا المسموع في المجتمع هو وسيلة الاتصال بين المراءة السعودية واجهزة الاعلام
يعني تعترف به وسائل الاعلام السعودية والعالمية .بدل مايطارد التلفزيون السعودي البنات في المجمعات ويسئلهن اسئلة ماانزل ا للة بها من سلطان < ماهي المواصفات التي تتمنينها في زوج المستقبل وتجي وحدة توها فاقسة من البيضة وتقول < ابي زوج المستقبل يكون طويل وابيض ولة سكسوكة >
يطرحون الاسئله علينا واحنا نطرحها للبنات يجاوبون عليها يابنات حواء لازم تكون لنا وقفة تجاة الفساد الي يخرب بيوتنا وبناتنا وعيالنا .احنا مانبي الهواش مع التلفزيون او الجرايد احنا نعطيهم البديل والبديل وهو منتدانا اللة يحفظة مانبي البنات في التلفزيون او في الجرايد ان كانو بياخذون راي المراءه او الفتاه يكون من خلالنا يعني مافية صوت او صورة بهذة الحال صار لنا صوت وحافظنا على دينا وعلى هويتنا الاسلامية .