عندي ألقاء بحث ساعدوني بأفكاركم؟؟؟؟

عزيزتي استخدموا بروجيكتور واعرضوا عليه برنامج بالبور بوينت فيه العناوين الرئيسية للمواضيع.. بحيث كل فقرة توصلين لها في وقت الالقاء يطلع عنوانها على الشاشة مع نبذه عن الموضوع (سطر واحد او سطرين بالكثير).

مشكوره ياقلبي فكرة حلوه وهالشي اساسي نسويه انا ابي حاجه جديدة او فكرة غريبه
على سبيل المثال القروب اللي قبلنا عرضوا موضوعهم كبرنامج تلفزيوني :وحده من الطالبات جسدت دور المذيعة والثانية كانت باحثة وباقي القروب جسدوا دور دكتورات في مجال موضوعم وعرضوا الموضوع في شكل نقاشات ومداخلات من الطالبات.
يعني إلي ابيه افكار في طريقة طرح الموضوع؟؟

اتذكر بالجامعة فيه بنات كان عندهم موضوع عن "مقارنة بين كلية الحاسب الآلي في جامعة الملك سعود وبين كلية الحاسب الالي في الدول العربية وكذلك كلية الحاسب الآلي وباقي الكليات في جامعة الملك سعود"
فسووها على شكل مسرحية
وحده كانت طالبه بالحاسب ولها صديقات بنفس الجامعة لكن بتخصصات ثانية ولها صديقات في دول عربية.. فصارت تلتقي معاهم في جلسات بنات وكأنهم في كوفي او مكان عام وكل وحده تتكلم عن تخصصها وبكذا وصلوا المعلومة وكانت الندوة اكثر من رائعة.. فعلى حسب موضوعكم ممكن تسوون المسرحية وتوصلون المعلومة بشكل مشاهد تمثيلية