اول شي قولي الحمد لله على هدايا ربي سواء اولاد او بنات
مستغربة من زوجك يعني معروف انه الولد عزوة لابوه وهو اللي بيحمل اسمه وترى هو مسؤول عن الذكر او الانثى لانه الحيوانات المنوية فيه اثنين ذكري وانثوي وانتي بويضة وحده فقط والحين الطب متطور لو حابة بعد ماتولدي وناوية تجيبي سوي تحديد جنس سواء بحمية او عند الدكتورة


انا عندي ثلاث اولاد وصح زوجي يتمنى البنت لان هم اربع اولاد وبنت وانا نفسك احب البنات من صغري بس الحمدلله لا اعتراض وبعد عندنا وراثة الذكور اكثر الا بيتين تقريبا البنات اكثر
وحملت وولدي عمره سنة ونص وماكنت ادري الا بعد كم شهر وانصدمت شوي وماكان في بالي انه ممكن ولد رابع لا عادي بس قلت اهم شي صحته تكون كويسة لانه مريت فترة ما اكل زين ولا اخذت حمض الفوليك خفت مرة ولما رحت موعد سونار بشرتني انه بنت فرحت كثيرر كانه اول بيبي والحمد لله.
الناس فاضيين بس يدورون لهم سالفة وصح دايم لشافوني قالو لي ان شاء الله بنت هالمرة

استغفر الله وليه كل هذا
الحمدلله رب العالمين عندك خير ونعمه
ناس تصيح تبي ولد وناس تبي بنت
ياحبيبتي تدرين انه في بعض الازواج ماعندهم جينات البنات خير شر
احمدي الله على النعمه واشكريه

انتوا اللي تزعلون على جنس عيالكم في اي عصر عايشين ؟
الاطفال هدايا الرحمن حد يزعل على هدية ليش ما جات على كيفه ؟! خافوا ربكم بس لا يسترجع النعمة ويخليكم تتحسرون عليها

تبون جنس معين سووا العملية مب تخلون الموضوع طبيعي وعقب تسوون لنا دراما على اساس انكم مصدومين ما تدرون ان ممكن يطلع الجنس الثاني

الله يرزقك ماتتمني

الحمدلله من قبل ومن بعد والحمدلله دائما وابدا أشكر ربي واحمده على كل النعم
وأشكركم كلكم كل وحده ردت علي برد يريح ويخلي الوحده تفكر صح ،،
الحمدلله أنا كتبت الموضوع وانا مررا متضايقه ونفسيتي 👎🏼،، لأن أنا أعاني من أهلي أقرب الناس لي واشوف فرق معاملتهم للأولاد والبنات وبني آدم ضعيف بسهوله ينكسرر
بس الحمدلله صليت ودعيت ولجأت لربي وارتحت .. الله كريم وعارف مصلحتنا احسن مننا ،، وبعد ردودكم كمان ارتحت الحمدلله الله يديم علينا النعم ويحفظها من الزوال
وبسمع بنصايحكم وبفتخرر بأولادي وأحبهم وبطنش كلام الناس لاني انا بتعب في الأخير
الله يجزاكم خير والله يعطي كل وحده فينا ماتتمنى في الوقت اللي ربي كاتبه لنا ،، والله يرزق كل محرومه بالذريه الصالحه ويقر عينها ويفرحهاا ياارب