عندي اخت انا ربيتها

اهلين اخواتي العزيزات
لي اخت اصغر مني كثير والله انا مربيتها ومدرستها
تربيت ايام زمان الكبيره تربي الصغيره
انا مو اكبر وحده في قبلي وحده كمان هي تعتبر الي قبل اخر العنقود
ماعلينا
ماانكر ان شخصيتي هاديه جاده مااحب الهبل المبالغ فيه الي قريب من قلة الادب ومااحب اسلوب مزحلي جدلي
ملتزمه نوعا ما بس مو الي امنع الناس يعيشوا حياتهم بكيفهم بس ممكن اقول وجهة نظري بانه خطأ شرعا مثلا حتى مااطفي على احد اغاني او اقلب مجلس اقول غلط وانتم احرار مثلا
او اتجنب المكان
مكتفيه بعيلتي زوجي واطفالي عاملين نظام نعيش فيه بصعوبه ومع الوقت زوجي مشي عليه
اهلي واهله ازورهم كل اسبوعين ومااروح يدي فاضيه ابدا
اجري ورى عيالي ومااحمل مسؤليتهم لحد
اصلا الحمدلله محبوبين يساعدوا ومايسوا مضاربه واذا احد اتخاصم يصلحوا او يتفرجوا
ممكن ماتصدقوني بس كدا احب كل شي يكون نوعا مامثالي واراعي مشاعر الاخريين
مثاليتي خلت امي تميزني بين اخواتي واخواني وتعاملني بتقدير زياده
ورغم كدا اقول لامي ياامي بيني وبينك براحتك مع اخواتي ترى يزعلوا
اي شي تقول اعطوها تدوق ارفعوا لها
يجيها اي شي تقول خلوه لي انا
امي تشوفني طباخه مربيه فنانه ذوق


اختي ذي دخلت بيني وبين امي وبعدها بيني وبين اخواتي واخواني وصارت تتعرض لي وتحط في صفات غريبه وانا ماارد
اصف لكم اختي
حياتها غير مستقره مع زوجها هو له جو وهي اختارت لنفسها جو تخرج مع صحباتها شاليهات بالايام وزوجها يوديها والعيال ترميهم بيت امي تطلع بارتات بنات وعيالها بالبيت
جوها مفتوح بالعربي
واحد
صارت تقنعهم انه انا مشدده مع اني عمري ماطفيت عليهم تلفزون او اغاني
صارت تطلع اشاعه اني اغار منها على زوجها مع انه انا نوعا مامستقره وهي اسم متزوجة
صارت تقول تقلدني في كل شي وحاسدتني مع انه انا اكون حكيت اني باعمل واعمل واخطط بصوت عالي على اساس بيت اهلي وتسوي نفس الي قلت عليه لنفسها وتروح عند اهلي توريهم وانا ماادري لاني اقابلهم بالاسبوعين فلمن اجي واكون طبقت كلامي الي انا حكيته اني باعمل واعمل تقولهم شوفتوا تغير مني قلدتني
واهلي وراها عشان ايش حطتني في راسها فصارت تتعمد انها تشتري لاهلي اشياء غاليه وتخرجهم تمشيات حلوه على حسابها هي تشتغل تاجره
وتقولهم ترى هي طفش ونكد ومين مايحب يطلع يتمشى ببلاش فتعجبهم اللمعه
طبعا انا كل الي تسويه مايهمني دامها تسوي لهم واجرها على الله
بس ليه تعملهم من هنا وترفع سيرتي وتدخلني في مقارنه عشان ينزعجوا مني
دحين زاد الوضع ماجالس ارد عليها
دحين صارت تعلمهم شي جديد خذوها قد عقلها او همشوها وتاشرلهم بعيونها اسكت اسكتوا اسكتوا بعدين بعدين
طبعا اشوفهم واسوي نفسي مو شايفه
مو ضعف
لا بس هي مطلعه اشاعه انه انا غياره ومشكلنجيه وانا جالسه اتفرج
ماحد حيوقف في صفي
امي تعطيها مصروف وتعملها عيد الام
اخواتي تخرجهم مولات وملاهي ومطاعم
عملت قروب للعيله
ان ارسلت شي انتقدت شوفوا ترسل مواعظ طيب الكل يرسل انا بارسل مشكل بس بحدود المهم انتظرت مشكله وعذر وطلعتني من القروب
ماقلت شي ولمن نفسها طابت رجعتني ورجعت زعلت تاني طردتني رجعت بعد كم شهر رجعتني
ان خرجت من نفسي قالوا حساسه زعوله عقلها صغير
اهلي يتعاملوا معايا بنظام غلطت الشاطر
الكل يغلط عادي
بس انا ان صار مني شي ولعوا الدنيا وماطفوها
هي ماكانت كدا ابدا
بس مره سالتني ليه امي تفضلك قلت لها جيبي طبق حطي فلوس في يدها ايامها انا موظفه لاترمي عيالك عليها لمن تجي ساعديها نظفي وكدا
حاليا انا ربة بيت مو موظفه
مشكلتها قالت لي بلسانها ليه اعمل جمعيه واتعنى واتعب عشان اجيب الشي وانت بس تطلبي يصير
والله ياجماعه انا مافي شي ضغير او كبير حتى الايفون الي في يدي الا اطلب الله وهو تجي تدابير من عندوا اتفاجىء منها
تقولي ليه لمن تجي مجلس الكل يقول جات طيب مو شي انا باتعامل مع الناس باللطف والاحسان انت تعطيهم على راسهم حبه بحبه
تعبتني
انا اختي هذي اتعامل معاها بحسبي الله ونعم الوكيل لانها مكاره جدا
وسبحانك ربي ياخذ حقي
بس دحين عندنا مناسبه وانا اقترحت اقتراح وهي اقترحت اقتراح وحطت كمان عرض ان مشيتوا كلامي حادفع انا من مصاريف المناسبه


الين هنا مايزعل وكل واحد حر
بس تقول انتم قولوا لها انه حنسوي مثل ماتبي وبعدين نعمل الي اتفقنا عليه وخليها تتفاجىء
اسلوب التصغير هذا يخليني اقرر مااروح المناسبه
ايش رايكم اطنش واروح وهي مناسبه ضروريه
واسير مضحكة ولا اتعذر بعذر وعندي اعذار قويه ومااروح ؟؟؟
بالمناسبه انا متبعه معاها اسلوب التغافل
واني ارد منافسه بمنافسه زوجي يقولي لاتصغري عقلك معاها الي ذابحها طناشك لافعالها وانه مايهزك شي


بس دحين المناسبه المهم اصغر حالي واروح ولا مااروح