حبيبتي هو الفام الكبير لونه وردي مكتوب عليه انع لما بعد الولاده بخط صغير تحت.

hello kitty
مشكورة حبيبتي
يعني لونه وردي و مكتوب عليه انه لما بعد الولادة...
طيب خلاص راح ادور عليه
مشكلة احراج وانا ادور ما اخذ راحتي و أبحث كويس في الجمعية لأن اللي رايح واللي جاي احس انهم يشوفوني مع انهم لاهيين بأشياء ثانية بس تعرفي اختك توسوس كثير هههه
مشكورة حبيبتي ماتقصري

أم طلال و لين
ماقصرتي
كفيتي ووفيتي
والله عاجزة عن شكرك
الله راح يجزيكي كل خير على كل إفادة قدمتيها لي و ماراح يضيع تعبك هباء
الله يحفظك يارب والله عاجزة عن شكرك

الخياطه مو مؤلمه مرة يعني غرزه تحسين فيها زي قؤص النمل وغرزه
ما تحسين لان البنج مو كامل ولو كان كامل خطر يسرقولك الطفل مثل
بعض الحالات اللي سمعنا عنها

اما الشق يكون على جنب والم فيه ومو قوي بس اول ما يقصون ما يعطونك
خبر يعني وقت خروج الراس او قبله بشوي المشكله لا تنزين وقت القص
عشان ما تجرحين نفسك او البيبي انا كنت انز واصرخ مع ان الالم ما كان
يسوى هو الخوف بس واول ما تشيل المقص ما راح تحسين باي الم ليه
لان فيه تخدير بسيط ولانك تفكرين بالبيبي وسلامته اضافه الى ان الم الولادة
يغطي .

نرجع للطلق هو ما يعور مره بس بعد ما تولدين تقولين ليه كنت اطير على
الفراش مع ان الالم مو محرز سبحان الله يمكن خوف بس

اما مدة الخياطه انا ظلت معي 40 يوم الى ان طاحت والالم وربي بهذلني
اكثر من الولاده بالف مره كرهت نفسي
بس لما اشوف كل اللي حولي قضو فترة النفاس وهم تمام اقول ان شاء
الله انا بعد بخف وبكون كويسه حالي حالهم ان شاء الله

يعني ما تقدرين تقعدين كويس ولا تتهنين بجلسه او نومه او حمام ويمكن
تتشهدين قبل دخول الحمام كنت قبل لا ادخل للحمام اقول لااهلي يالله انا
بروح اموت شوي وارجعلكم ان شاء الله بس على فكرة انا صارلي كذا
عشان ما ارتحت وكنت اروح للمستشفى لارضاع بنتي يوميا فالتهب الجرح
ال 10 ايام الاولى مووووووت وال10 اللي بعدهم اهون و20 اللي بعدهم
شوي تروقين شوي بس آثار الجرح باقيه وتظل فيه صعدات ونزلات الى
فتره اشهر ويقل التورم شوي شوي

والحمد لله على كل حال

على فكره ضحكتني اللي قالت تمارين كيجل تتسوى من اول يوم بعد الخياطه
شلوووووون مع الالم الرهيب ودك بس تبكين هذا بدون ما تحركين المنطقه
شلون بالحركه

عموما كلها 10 ايام ويكون الوضع تمام ويخف الالم

الادويه 3 مرهم للتعقيم ومضاد حيوي وفوليك وحبوب تخفف الالم صارو4
والغسول قالتلي الدكتوره وعاء كبير ماء مع ربع كوب ملح تقريبا تنزلي فيه
وغسول الديتول وخاصه ان الجرح عندي طلع صديد مع كثر الحركه

اسال الله انه يهون عليكم يارب

دعواتكم

هايدي
ياااااه
الظاهر تجربتك كانت مريرة مع الخياطة
بس و لا يهمك ... كله بأجر :)
ان شاء الله الله يهون على الجميع
بعض كلامك خوفني و بعض كلامك طمنني...بس الأهم اني استفدت
بارك الله فيكي جزاكي الله الف خير و ماقصرتي عيوني و الله يهون على الجميع

الديتول يفك الخياطة وهذا تحذير من دكتورتي ,,