عندي اسئلة عن الدورة وتكرار التبول وأعراض الحمل

السلام عليكم ورحمة الله وبركاته

عندي اسئلة تدور ببالي وابي اجابه
أول حاجة في اليوم24 من الدورة نزل زي الخيط أحمر وشو هذا؟

ثاني شي بعد اسبوعين من الدورة صارت تنزل علي افرازات بنية وانتوا بكرامة تنقطع وتنزل ومستمرة معاي الى الان آخر تاريخ للدورة بداية كان25 شعبان لمدة خمسة ايام

زوجي يقول هذي حالة نفسية لأن بصراحة من قريت موضوع خراب الأرحام وحالتي حالة فهو يقول لأنج تفكرين وايد بهالموضوع فانتي مضطربة وبصراحة انا ما احب الفحص السريري للدكتورة النسائية وزوجي جاب لي ملح صخري كغسول هو ينظف لكن ما تحمله يحرق واقوم اغسله بسرعه
وحالتي حاله

والشي الثالث لاحظت من 10 ايام او اكثر دايم اروح الله يكرمكم دورة المياة اتبول ومرات كثيرة يعني نص ساعة ساعة ساعتين وحتى وقت الصيام ياربي من السحور معدتي فاضية طول النهار اروح لدورة المياه لييييييييييييش؟

قلت لزوجي يمكن اني حامل نروح نحلل قال انتظري موعد الدورة اذا تأخرت رحنا
ويهددني يقول تبينا نروح نروح بس ان طلع اللي في بالي يا ويلج:44:
قال اذا ما كنتي حامل ما بزعل اللي الله يكتبه زين..وهو من جد يتكلم لأن موضوع الحمل بالنسبة له بارادة الله وحده واحنا مالنا ذنب فيه ولأن رحنا وجينا وحللنا ودخنا بس الحمد لله طلعنا سليمين

المهم هو يقول انه كثرة التبول عندي يمكن سكري
لأن احنا عايلتنا بالوراثة وهو دايم يعصب علي لأني أكل حلا مو كثير بس هو يقول لا تأكلين انتو عندكم وراثة ويمكن لا سمح الله تنصابين ...

وأخر شي ابي اعرف اذا فيه اعراض حمل ممكن اعرفها قبل لا يجي موعد الدورة بأيام بدون تحليل مدري ساعدوني وسامحوني عورت روسكم

تسلمووووووووووووووووووون لي:)