عندي اسئلة عن الريتن a مين يجاوبني؟

السلام عليكم ورحمة الله وبركاته
اختي العزيزة انا استخدمت الرتن a بس الصراحة ما كنت اطوّل فيه لاني من النوع الي يمل بسرعة
بخصوص اسئلتج بحاول قدر الامكان ارد عليج عن تجربة وانا ما اخذه إلا من الدكتورة
هل الريتن a يعتبر مقشر للبشرة فقط او يصلح لازالة حب الشباب؟
انا لاحظت انه يقشر الوجه يعني اذا استخدمتيه يوميا راح تلاحظين ان وجهك بيتقشر من اليوم الثالث او الرابع ولازم تستخدمين كريم مرطب معاه ضروري لانه راح يؤذيك بالحكة بسبب التشققات الي في وجهك بسبب التقشير بس انصحك تستخدميه يومين بالاسبوع فقط مع المداومة باستخدام اللوشن المرطب.
هل الريتن a يزيل اثار حب الشباب والجروح ام الاثار فقط؟
انا قلت لج اني ما طوّلت فيه لاني كسولة بس بصراحة الدكتورة تكلمني عنه انه اكثر الحرين الي يتعالجون عندها مرتاحين عند استخدامه يعني اكيد اذا كنت استخدمته بطريقة مستمرة كنت بلاقي نتيجة والله اعلم.
هل يصلح استخدامه للبشره الحساسة؟
اعتقد انه في انواع للريتن a لانه جارتي بشرتها غير بشرتي وتستخدم رتن a بس العلبة فيها اختلاف بسيط بالالوان.
هل يحتوي على كرتزون وهل مكوناته خطرة ام لا؟
اما هالسؤال ما اقدر اجزم اذا فيه كورتيزون او لا .. من ناحية المواد الخطرة ما اعتقد فيه
بس الي اعرفه ان الحامل ممنوع تستخدم الرتن a .
مين جربت كريم يروح اثار حب الشباب افضل من الرتن a ؟
صراحة انا ما جربت شي غيره بس احاول استخدم اي خلطة من الخلطات الي اقرأ عنها بالمنتدى والي يناسبني احطه وانا متأكدة انه الخلطات في البيت مفعولها حلو وتحسين انه الشي الي تسوينه بايدينج يطمن اكثر... (ما أدري يا بنات لا تاخذون على كلامي بس هذا الي احسه)
ماهو الافضل ريتن a ام الدوكين وهل الاثنين يستخدمون لنفس الاستخدام
الالدوكين سمعت من جارتي انه حلو ويفتح البشرة انا مرة استخدمته بس حسيت انه دهني وااايد وما ارتحت له لانه من بعد ما استخدمته طلعت حبوب صغيرة في وجهي بس الحمدلله راحت بسرعة
هذي تجربتي مع الرتن a اختي انتي حاولي تستخدمينه ما بتخسرين شي وهو الحمدلله مو مضر ابدا
وبارك الله فيج اختي

لاتستخدمينه للبشره الحساسه ابدا لانه مانفعني ابد انتبهي

واذا كانت فيك حبوب مايصير تستخدمينه لازم اول تعالجين الحبوب

يعني هو ينفع للي بشرتهم فيها اثار حبوب او كلف

واحسن نوع الكريمي

وانا نفعني محللول البيبي فيس حق الفلبينين سوي بحث وتعرفين عنه

هلا فيك يالغاليه وجواب الاسأله ..


هل الريتن a يعتبر مقشر للبشرة فقط او يصلح لازالة حب الشباب؟
اي نعم الرتن ايه يعتبر كمقشر لان من تركيبته ماده كيميائيه تعمل ع تحفيز البشره لتقشر , وعشان كذا فهو يصلح بعد لازاله حب الشباب ..(لان هو يعمل انه يتنشف ويعالج حبوب الشباب ومن الالتهابات الي عملها ومن ثم تقشير للبشره مع الاستخدام المتواصل حتي يروح اي اثر للحب , يزيل حتي البثور السوداء ))



هل الريتن a يزيل اثار حب الشباب والجروح ام الاثار فقط؟
يزيل حب الشباب ..واثار الجروح بعد و الخطوط البيضاء والحمراء ((بس الجروح والخطوط تحتاج لفتره طويله جدا ولاستخدام متواصل ...لكن كل مركبات الاسواق الترويجيه عن المقشرات تحتوي نسب ضئيله من المقشر الي يحويه الرتن ايه , عشان كذا ف اقوي شي هو الرتن ايه فيبي له صبر وموظبه ,, وان شاء الله كل هالاثار تروح))



هل يصلح استخدامه للبشره الحساسة؟
يعتمد والله ع الدكتور ,,هنا لازم تعرضين الحاله لدكتور عشان يحدد بالضبط مدي سوء البشره ومدي قابليتها انها تتحمل الرتن ايه وهل الفايده الي رح تجي من وراه اكثر او الضرر اكثر ,, وفي منه كذا نوع الرتن ايه وكل واحد تختلف نسبه التركيز فيه في منه السلوشن ( السائل)
ومنه الكريم
ومنه الجل




هل يحتوي على كرتزون وهل مكوناته خطرة ام لا؟
لا ياحياتي لا يحتوي ع الكرتيزون ,, ولكن كأي دواء استخدامه بشكل خاطئ يصبح خطير ,, يعني مثلا الحامل ماتستخدمه وان كان الدواء آمن ,,للخوف ع الجنين ,,, يعني استخدميه بشكل صحيح ومايجي منه ضرر ان شاء الله ((يعني مثلا لو تسبب لك جفاف شديد وبدا يتقشر الوجه كثير لازم تخفيفين من الاستخدام بدل مثلا يوميا بالليل يصير يوم ورا يوم... وممكن تستخدمين مثلا يوم رتن ايه واليوم الي وراه اسكينورين,,بعد كويس وبالتنواب وكل شي وع حسب الحاله )) ولاتنسين لازم واقي الشمس بالصباح ,, وماتتعرضين للحراره كثير .. :)




مين جربت كريم يروح اثار حب الشباب افضل من الرتن a ؟
والله شوفي كتركيب دوائي , الرتن ايه قوي كثير ..بس الاختلاف في البشره ونوعيه العلاج كيف ,,يعني مثلا انا اذي طلعت لي حبه طوالي احط عليها الرتن ايه طول اليل وماتجي الصبح الا وهي ناشفه ومافي الا اثر بسيط لها ..واستخدمته فتره عشان اثر الحبوب الي في الوجهه وكان قوي وكويس ..لكن انا اتعرض كثير لشمس ف فظلت اني ابطل منه عشان حكايه الشمس والتشقير القوي الي صار .. و استخدمت بداله ...اكسترا ديرم رقم 1 و 2 و3 .. ومشي كويس كثير معاي و بشرتي صفت الحمد لله ...و الاكسترا ديرم فيه مادتين ماده مقشره وماده مبيضه ..بس التبيض موب تفتيح للون البشره ...لا تقريبا الي يصير انه يوحد اللون وذا كان اهم شي عندي ,,وطبعا 1 و2 و3 كل واحد فيهم يختلف ع حسب نسبه التركيز
وان شاء الله اكون افدتك يالغاليه :)
واي سؤال من عيوني

البنات ماقصروا معك..
كفوا ووفوا..
موفقه..

للفايدة فقط نسيت اقولج لا تستخدمينه وانت نايمة ابدا
لأنه مع حركة الشخص وهو نايم راح تؤذين منطقة الشفايف والجفون
من خلال الحركة فوق الوسادة .. انا عانيت من هالشي اول ما استخدمت الكريم هذا
وكنت احطه بالليل إلا واحس شفايفي وجفوني تتقشر وخليها على الله من شكلي شلون صار
لما قالت لي الدكتورة ( واخذت منها تهزيئة محترمة ) وقالت لي استخدميه وقت النهار او بعد المغرب فقط بعيدا عن منطقة الشفايف والجفون بعدين لازم تغسلينه قبل النوم أما بالليل استخدمي اللوشن المرطب الي بتوصفه لج .... أما اذا كان فيج حبوب في ظهرج وصدرج استخدميه بالليل عادي ولما تقومين الصبح غسليه جيدا