عندي استشارة انا في هم كبير

السلام عليكم كل عام وانتم بخير وعيدكم مبارك الله يسعدكم عندي استشارة مااحلل من ينقلها لموقع اخر ابيكم تحكمون بالي صار انا عندي خوات اكبر مني ولهم بنات والناس فيهم الزين والشين الي يسوي الزين مشكور والي يقابل بالشين بيرجع على صاحبه وحده من خواتي عندها بنات وبناتها وحده منهم بالواتس تبارك لاختها على الملكة طبعا الكل من بنات خواتي الثانيات باركو وجو علموني دعيت لها بالتوفيق جبت لها هدية ولا بنفسي شي هم حرين انهم ماعلمو احد وانا والله مانيب من النوع الي اتدخل بحياة الناس بنتي اصغر منهم بحوالي خمس سنوات وعندوحده منهم سنابها راحت ارسلت لبنتي صوره وكيكة عليها تاريخ كانت بنتي جالسة مع بنات خواتي الباقين شافت الصورة وورتهم قالت شوفو الحفلة مبسوطين ويناظرون بعد فترة جو زارو امي وكانت بنتهم تزوجت وخلاص مادرينا عطيتهم هديتها وانا للتوضيح وضعي معلقة في بيت امي وبنتي هذي من زواج سابق وعايشة مع امي امي كبيرة بالسن وحنا معها جت اختي اكبر وحده من باب انكم وشلون ماعلمتونا وقالت لهم ان زواجكم بالتاريخ الفلاني هي بنات خواتي الباقيات علموها عن التاريخ واستنجت انه تاريخ الزواج المهم من بكرة جت لبنتي رسالة من البنت الي مابعد تزوجت احسبها والله تشكرني على الهدية اثرها تحسب على بنتي وتلفظ عليها وتقول فضحتينا تقول ليش تورينهم الصورة ومهيب اول مرة تتجرا على بنتي قمت دقيت على امها بوضح لها الي صار قلت هم ارسلو لنا صورة كيكة شفناها ماسوينا شي قالت مدري عنهم اساليهم واروح وادق على البنت الي ارسلت ابقولها الصورة اذا ماتبين احد يشوفها ليش ترسلينها فجاة صارت الي تكلم البنت العروسه وتجلس تكلم علي قلت ترى والله فرحنا لك ودعينا لك وماتسمع تكلم علي لدرجة تقولي اخوي موديك يوم تعرسين واخرتها ماعزمتوه تقصد عرسي الثاني وبنتي كبيرة بالمتوسط وكنا مانبيها تشوفني الي اقولكم من زواج سابق قلت يافلانه انا وضعي ثاني وماكان عرس ولا شي وانا ماعزمت احد وامي يمكن راح عن باله ولا اكتفت برجالين على العشا وتقعد تكلم علي واخرته قطعت الخط ورجعو يرسلون لبنتي بالواتس كلام قلت لاتردين درو البنات الباقيات عن السالفة وزعلو قالو ليه خايفين منا ولا وش فصدهم وكانو مجتمعين بقروب طلعو كلهم وخلاص ماعاد كلمناهم وكانو احيانا يرسلون لكن صار حره بقلبي اهانتني وتطاولت علي وظلمونا بسالفة صورة الكيكة انا عمري فوق الاربعين وماعمري انا وبنتي غلطنا عليهم امهم احب راسها وعلى طول اهديها عن طيب نفس ويوم العيد حت هي وبنتها قالت اختي الكبيرة للبنت تسامحي من فلانه انتم غلطتو عليها تقصد بنتي قالت بنتي مابيها تسامح قهرونا وظلمونا انا وبنتي قالت البنت لبنتي انا ادعي عليك كل رمضان قالت بنتي الدعا على قد المظالم حنا ماظلمناكم يعني ياناس بالعقل ان بنتي ورت بنات خالاتها صورة الكيكة الي عليها التاريخ غلطت بشي طيب اذا هي ماتبي احد يشوف كان قالت لاتورينها احد ولا اصلا ماارسلتها جيت اصيح عند امي قلت حرام الظلم بنتي مسكينة تحلم فيهم من صار السالفة ضغطو عليها نفسيا قلت لامي امهم تجي حياها الله بس انا اذا بناتها دخلو انا بطلع لان مانجتمع معهم بمكان راحت امي قالت لهم عني فلانه تقول لاتجون صارت امهم ترسل لي على الواتس تطردينا ويدعون علي دعا مايندعى على كافر وتشمت فيني تقول اذا صار عندك بيت اطرديني دقيت ابقولها انا مااطردك انتي على راسي بس بنتك اهانتني وانا مااجتمع معها بمكان صكت السماعة بوجهي ياناس انا تمخولت حنا ماسوينا شي ليش تسلطو علينا رحت ارسلت لامهم رسالة قلت خافي ربك من عقوبة ااظلم خافي ربك تسلطتو علينا وقلت لها خافي من الشماته ترى الدنيا دوارة وانتي عندك بنات