عندي استفسار بخصوص التكيس على المبايض<معدل

,والله ياحبيبتي كل ما قالوا استعملته الان استعمل أكليل الجبل مع الزبيب وأنا من زمان معي الله يعين بس يا أختي ما قلتي كم صار له فيك وش نوعه ومقاسه وهل سبق وحملتي لإن حملت وولدت وهوفيه

يااختي كثري من شرب البردقوش

السلام عليكم ورحمة الله وبركاته

قرأت موضوعك وما رح أبخل عليك ولا بمعلومه أعرفها :)
أولاً متلازمة تكيس المبايض ، سميت بمتلازمة لانها مرض ماله علاج لأنه مجهول السبب
وكل الدكاتره في العالم يجهلون أسبابه .
وتصاب الفتاة قبل الزواج وفي بعض الأحيان تكتشفه بعد الزواج لان بعض الناس ما يظهر عليهم الأعراض
أبداً ويتم الفحص بعد تأخر الحمل .
ويختلف درجات التكيس من فتاة لأخرى فمنهم من تكون التكيسات خفيفه جداً ومنهم من يتكون أكياس على المبيض
بحجم الكمثرى .
وتختلف الأعراض فمنهم من تكون الدورة منتظمة ولم تلاحظ اي اعراض ومنهم من تكون الدوره تاتيهم كل 3- 6 اشهر .
والأعراض التي تم حصرها في مصابين بمتلازمة تكيس المبايض :
الوزن الزائد
كثافة الشعر في بعض المناطق ( الوجة والرقبة - الأفخاذ - اسفل الظهر - الساقين واليدين )
سقوط شعر مقدمة الرأس
عدم انتظام الدورة
بعض الآلام في مكان المبايض ( نادر ما يحصل )
تأخر الحمل


وأخيراً تكيس المبايض ممكن يروح من نفسه وممكن يستمر إلى مالانهايه
وهناك الكثيرات ممن تنجبن الكثير من الأطفال وهي تعاني من تكيس المبايض ولم يعوقها عن الإنجاب
ومنهن من لا تستطيع الحمل بسبب تكيس المبيض وتعالج بالمنشطات ويحملن مثل غيرهن .

وهناك عدة أدوية تستخدم لتخفيف التكيسات على المبايض لكن احتمال زوالها ضئييييييل جداً
وأنا أعاني من تكيسات المبايض وكانت درجة التكيس عاليه واستخدمت عدة أدوية صرفها لي الطبيب
واستمريت عليها لمدة سنتين والحمد لله وهذه الثالثه وعند زيارتي للطبيب آخر مره قال لي ..
ممكن أذا تركنا العلاج يكون أمامنا 3 أحتمالات ..
أولها ممكن يرجع التكيس أسوأ من قبل
ثانيها ممكن يرجع كما كان ولا كأنا سوينا شئ
ثالثها ممكن يروح ويختفي ..


الحمد لله

وأخيراً لكي لا أطيل عليك ..
دكتورة رحت عندها قبل شهر قالت لي أوعدك إذا سويتي رياضه وابتعدتي عن المشروبات الغازيه
والفاست فود والاكلات الدسمه والمقليه واكثرتي من اكل الفواكهه والخضروات وبالاخص الورقيات
كل التكيس اللي عندك بيروح تماماً والله أعلم ...
ودكتوري البروفيسور أنكر الشئ هذا ..
والله أعلم ..

هلا ملوكه الله يرزقك ما تتمنين ويعافيك يارب ........ االتكيس توه صار فيني من شهرين الله يكفيني شره ..

نشميت بريده... هلا يا الغلا .. مشكوره ع النصيحه لكن هل اثبت فعليا انه يزيلها ؟

سوسو .....

الله يجزاك الف خير يارب وانا ترى ما اقدر ارد عليك بالخاص لان مشاركاتي قليله...ما تصدقين قد ايش افدتيني ..معلومات رووعه..انا متزوجه ولله الحمد وتاخرت علي الدوره

و اليوم اللي كانت المفروض تنزل فيه الدوره خلااااااص قبل شهرين .. تهاوشت مع زوجي هوشه كبيره وتضايقت مره اكثر من اي يوم

بحياتي وقعدت ابكي وحسيت اني يأست من هالحياه ...طبعا المفروض انها تنزل لانه موعدها ولها اسبوع الامها المعروفه قبل ما تجي

المهم بعد المشكله اختفت الامها وقعدت اسبوع بعدين جت .. وكنت احسب انها يوم تاخرت اني حامل ويوم جت كنه تسقيط من غزارتها

والمها |..

طبعا اللي خلاني اقول هالكلام هو انه يمكن يكون من اسبابها هو التوتر الشديد اللي تصاب فيه المراه في الفتره اللي تسبق نزول الدوره

..يمكن ..! يعني لابد على كل بنت انها تحاول تكون ريلاااكس دائما وخاصة قبل واثناء الدوره ..

واتوقع انه راي دكتورتك صحيح خاصة مع انتشار الايميل اللي تقول فيه صاحبته انه كثرة شرب المويه يزيلها .....

فايش رأيك نحاول ننفذ كلام دكتورتك هالشهر ونشوف ؟؟؟؟؟؟؟

الله يعافيك يا رب من كل مكروه ويرزقك ما تتمنين ويعطيك الف عافيه ع المرور..