عندي استفسار ياليت تساعدوني

والله حبيبتي للحين ما عندي فكره على الموضووع هذا ولدي للحين عمره سنه ..

ان شاااء الله البناات ما يقصروون رااح يساعدونك ...علشاان نتعلم حنا بعد

مرحبا بنات 0000اكيد كل ماكبر الطفل راح يصعب فطامه سواء من الصناعي او الطبيعي
اول شي ابنصحك نصيحه وهي انك ماتسيئين للرضاعه قدام الطفل(حلوه تسيئين)يعني ماتقطعينها اوتحرقينها قدامه لانه بيكرهك ويتعقد
وبعدين اكيد ماتقدرين تفطمينها بسرعه لانها كبيره00000000000حاولي انك تخلينها ترضعها مره بالليل
وخليها دايم شبعانه عشان ماتدورها000واذا كنت طالعه لاتاخذينها معك عشان تيأس
انا عندي ولد عمره سنه وشهرين ولااعطيه الرضاعه الا في الليل عشانه متعود ينام بالليل عليها000وباقي اليوم اعطيه حليب بالكاس واحط عليه مزاز واخليه يمز00000واذا طلعت مااخذها معي

سنتين ونص للحين مافطمتيها تأخرتي كثييييير اختي ..الله يعينك ..

كلام الأخت لوز وسكر صحيح.... كمان أنا فطمت أبني وعمره سنه و3 شهور........ أولا:. أقنعيها وهذا أهم شي..
علشان مو إذا رحتي عند ناس وكان عندهم طفل معاه رضاعه....( تفضحك ) .... ثانيا :.خليها تقرف منها.. وش الاشياء إلي هي ماتحبها حطيها فيها.... ثالثا:. مثل ماقالت الأخت خليــها شبعانه من عصيرات ومأكولات
ولاتعطيها إلا إذا طلبت ( حاولي أخفائها عن أنظارها)
وتدريجيا إلى أن تصبح في الليل فقط ثم... تختفي نهائيا....
*** أنا طفلي عمره الآن سنه ونصف ولايخذها لاليل ولانهار وبصراحه حزينه عليه وأقووووول أنه ماأدلع وأخذ حياته زي باقي الأطفال..

مرحبا يااخوات
حبيت اعرض تجربتي لكم وان شاء الله ان ماافادتكم تفيد غيركم .. بالنسبه لي كنت ارضع ولدي طبيعي وصناعي لكن لما قررت اني افطمه بدأت طبعا بالطبيعي وحطيت واسمحوا لي بهالعباره (( على حلمة الصدر )) منقوع( المره) مسحه طبعا بالقطنه عليها بعد ماقللت الرضاعه الطبيعيه وصار يحس بطعم المروره وكره انه يرضع وبعدها بديت افطمه من الصناعي وطبعا بالتدريج قللت الرضعات واستبدلتها بالعصيرات والزبادي (( زادي )) والدانيت والدانينو وكل هالمنتجات المغذيه والمشبعه بنفس الوقت وخليتها تقتصر على رضعة الليل بس وفي ليله من الليالي قررت اني اجررب افطمه حتى من رضعة الليل وكانت البدايه صعبه لان قلبك يتقطع وانتي تشوفينه يبي الحليب وانتي مو قادره تسوين له شي لكن استبدليها له بحليب الاطفال حليب السعوديه او اي نوع ثاني بالفراوله او الشوكولا وحطيه له بالكاس اللي في فتحات صغيره وكأنه يرضع وفي نفس الوقت تعلمينه كيف يشرب الكاس الخاص فيه وكذا يتعود شويه شويه لغاية لما ينسى ويكره شي اسمه رضاعه وحتى يمكن تلاحظين بعدين انه كيف نظرته تتغير وهو يناظر الاطفال اللي يرضعون من الرضاعه ..... تقدرين تقولين نظرة سخريه كيف هذا مازال يشرب بالرضاعه وانه كبر على كذا ..... ادري طولت عليكم بس اتمنى اكون افدتكم ....
تحياتي للجميع