عندي اشياء مهما احذفها تظل موجوده عجزت القى لها حل

السلام عليكم
مرحبا بالجميع ..
قبل يومين كنت اعمل بحث للمدرسة ودخلت موقع في ابحاث وكان الموقع عادي جدا ما لفت نظري لدرجة اني اكملت بحثي عادي لليوم التالي.
في اليوم التالي هالموقع ازعجني كل ماجيت افتح الانترنت اكسبلورير القاه هو صفحة البديء!! مع اني حاولت اكثر من ميت مرة ادخل الادوات واغير وارجعها للصفحة الاولى وهي قوقل لكن مافي فايده :( كل ما افتح الانترنت اكسبلورير القاه هو ماخذ صفحة البدء ..
المشكلة ياليت على سنع موقع بحث معفن خربان ماله حيل يعني ماراح استفيد منه شي ولا كان خليته... المهم طنشته
بعد شوي طلع له تول بار (شريط ادوات) تحت الشريط اللي نكتب فيه العنوان على طول والتول بار مافيه شي غير مكان للبحث ومكان لينكات لمواقع بايخة مثله!! كل ما احط عدم اظهار الشريط واعود افتح الانترنت اكسبلورير القاه في وجهي :( طفشني الله ياخذه
قلت احسن شي اسوي بحث في كل الجهاز باسم هالموقع واحذف اي ملفات له.. قام زادت الطين بله لقيت انه في ملفات في المفضلة الخاصة بالـ الانترنت اكسبلورير نفس الحالة كل ما احذفها ترجع.. :06:
كنت بالاول مفكرة اني اطنش كل الموضوع بس خايفة يكون له تأثير سلبي او انه هاكرز او شي ارجوووووووووكم ساعدنوي ساعدكم الله جميعا ..
ملاحظة: استخدم ويندوز اكس بي انجليزي
وجزا الله الف خير من يلاقي حل مفيد لي..:(
في امان الله
رنيم