عندي اعراض عين علموني شسوي مشتته ولا اقدر اركز

يمكن موعين يمكن على قولك من الاعصاب ونفسيتك تعبت معاها
لاتربطون كل شي بالعين لين تتاكدون ادهني جسمك بزيت زيتون مقري فيه واشربي زمزم
ولاتهملين اذكار الصباح والمساء وان شاءلله ماتشوفين الا العافيه

لا إله الا الله الحليم الكريم .. لا اله الا الله العلي العظيم ..
لا إله الا الله رب السماوات السبع و رب العرش العظيم ..
لا إله إلا الله وحده لا شريك له ..
له الملك .. و له الحمد و هو على كل شيء قدير ..
الحمد لله الذي لا إله إلا هو .. و هو للحمد أهل .. و هو على كل شيء قدير ..
و سبحان الله .. و لا إله إلا الله .. و الله أكبر .. و لا حول و لا قوة إلا بالله ..

ياعمري ماعليج شر واضح اعرااااضج بسبب العارض ماتشوفين شر ياقلبي وتاكدي اذا قريتي قران ولا قريتي الاذكار وتعبتي ترى هذا التعب اللي تحسين به مو تعبك انتي تعبه هو لانك تحرقينه بالقران والاذكار ماعليج منه قولي سو اللي تسويه ماراح اوقف اذكار ولا قرااان اعتبريه سجين عندج وتفنني في عذابه لين يطلع شوفي ياعمري بعطيج هالبرنامج واتبعيه وبإذن الله راح تتغير حياتج 180 درجه وطمنيني عليج

اولا: كوني على وضوء 24 ساعه

ثانيا : اكثري من سبحان الله الحمد لله لا اله الا الله الله اكبر

ثالثا : تصدقي كل يوم واذا ماعندك اشتري نبته ولا سمكه زينه ان شاء الله اسقي النبته ولا اكلي السمكه المهم اعتبريها صدقه لوجه الله وصلي الضحى فهي صدقه عن كل مفصل بأذن الله


رابعا :سورة البقره خليها شغاله في بيتكم 24 ساعه المسجل اللي يقلب الحالها والتلفزيون خليه على قناة المجد خليه يختم القران في بيتكم كل ثلاث ايام مره


خامسا: خذي مرش وخذي ماي واقري فيه الرقيه الشرعيه العامه والمعوذات وحطي فيه ملح خشن ومسك ابيض ورشيه في غرفتك وبيتكم وادخلي موقع عبدالله الخليفه واقري عن تحصين المنزل


سادسا: تمعني في نفسك توبي عن سماع الاغاني مثلا شوفي وين اللي مو صح فيك وعدليه وقولي يارب انا تبت لك توبه نصوحا ربي مابلانا الا لحكمه ربي اذا حب عبد ابتلاه ربي يبيك تغيرين من نفسك حاولي تتقربين من الله عز وجل ومن توكل على الله ماخاب اسمعي محاضرات عن حسن الظن بالله والتوكل على الله ومن ترك شيئا لله عوضه الله خيرا منه شوفي لحد الان ماقلت لك سوي كله اقولك اسمعي اسمعي اسمعي كبدايه


سابعا: قبعة المسك هاذي ضروري تستخدمينها في حال تعانين من وسواس او تكاسل في الطاعات او تعب شديد وصداع اذا قريتي سورة البقره او تعانين من كوابيس لانها بتوقف لج كل هالامور وبتريحك واااااجد بتحسين براحه مو طبيعيه اذا استخدمتيها بترتاحين وااااجد بتلقين موضوعها في المنتدى وفيه منتدى الشيخ عبدالله الخليفه بتخلي العارض ينزل من راسك ولا راح يثقل عليك الطاعات وبتحسين نفسك خفيفه وانا في البدايه صرت البسها 24 ساعه بعدين صرت البسها وقت النوم بس انتي شوفي اللي يريحك وسويه كبدايه لاتبدين بدايه قويه الا اذا انتي معزمه ابدي بالتدريج عشان ماتتركين العلاج ودوم احتسبي الاجر لله


ثامناَ: عليج اختي بعد ماتعملين اللي قلته لك فووق انك تبدين بعدها لو بأسبوع تقرين البقره ولو صفحه باليوم ولا قسميها على ثلاث ايام كبدايه لين تقدرين تقرينها مره باليوم واصلن سهله لو تقرين بعد كل صلاه عشر صفحات خلصتي بتقدرين تقرينها ان شاء الله باين عليج مشاء الله حابه تتعالجين وقويه بأذن الله طبعا مع سماع الرقيه العامه واتسجلين في ورقه الايات اللي حسيتي بتأثير معها


تاسعا: ادهني جسمك بالزيت المقري وقت النوم جسمك كااااااااااامل ويفضل تخلطينه بزيت حبة البركه والمسك الابيض او الاسود اذا عان زوجج ماتزعجه ريحة المسك الاسود حطي الابيض ريحته مره مقبوله بترتاحين واجد


عاشرا : وهذا اهم شي (( الدعااااااااااااااء)) ألحي بالدعاء اعتصمي بالله لاتوقفين علقي قلبج بالله عز وجل ربي ماراح يخليك احنا بنشجعك اليوم بكره بعدها كل وحده بتروح في حال سبيلها انتي معاك الله الرحمن الرحيم احن من قلب الام على ضناها والله اذا تعلق قلبج بالله لن تحتاجين لاي وحده فينا توقف معاج اختي اسمعي وأيقني ان الله راح يجيب دعائج ربي عند حسن ظن عبده به فأحسني الظن بالله وموفقه ياااااااااااارب الله يشفيج ويشفي جميع مرضى المسلمين وطمنيني عليج

تعبت اقوم واطيح
الله يجزاك الف خير ويجعلك ماتطيحين الا في كل خير وسعادة ردك ابكاني الله يستر عليك في الدنيا والاخرة
باامشي على برنامجك والله يعيني تصدقين بالله رمضان قبل العام ختمت القران 3 مرات والعام مرتين والسنة ذي مرة بس من التعب والنفسية الله يغفر لي ويتجاوز عني
بابدا من الليلة وباخبرك عن اشياء مرت علي في ردي الجاي مشغولة ذحين الله يرض عليك
ا

اختي ركزي معي

هاتي قارورة زيت زيتون واقري فيها ...وحطي من هالزيت في علبة صغيرة...الزيت الي فالعلبة صغيرة ضيفي عليه قطرات مسك اسود ..هذا ادهني به اسفل الظهر ..اقسم بربي باتتحسسسني هذا اذا ما زال الالم فورا


اما الزيت في القارورة الكبيرة ادهني به جسدك قبل النوم ادعكي عدل وهو بيدخل الى العظم بسرعة ...ثم شغلي الرقية ونامي


في النهار اشربي بعد كل فرض كوب ماء مقري

عشان ما تتكاسلي اقري في قارورة ماء الفاتحة والكرسي والمعوذات ..وحطيها في غرفتك جااااااهزة ..فهمتي يعني 5 اكواب يوميا ...

هذا سيسرع شفااءك والسيطرة على الاذى بسرعة

الرقية اسمعيها عند النوم حتىلو تنامي عادي ..وبالنهار اسمعيها مرة وحدة

احسن شي الرقية العامة للخليفة

واذا انتي هبة ريح اقري الانفال 3 مرات في اليوم

بس اسبوع وشوفي حالتك باذن الله غييييييييييييير

اختي واسعي فنفس الوقت لشراء برنامج الطب النبوي من صيلية الخليفة الي بالرياض التفاصيل في منتدى عبدالله الخليفة

..................................