عندي اعراض غريبه وابغى احد استشيره تعالوااا تكفوون

السلام عليكم ورحمة الله ىوبركاته

كيفكم حبيباتي ...............يااارب تكونوا بااحسن حال وبصحه وعافيه يارب

طبعا انتم عارفين انا من ضمن الكروشات اللي في المنتدى وتنتضر الولاده بفارغ الصبر لاني دخلت التاسع وكنت بكتب ردي في موضوع تجمع الكروشات اللي ماتبي تعوشر بس دايم اكتب هناك ولا القى رد لي فقلت الافضل ادخل بموضوع علشان القى استجابه............. حملي ليس الاول فاانا والده كم مره بس توقفت ست سنييين وتصدقون كأني اول مره احمل وفي ولاداتي كلها وحملي كانت سهاله والحمدلله بس ماكنت استخدم شي كل اللي اصلحه مشي فقط من اول التاسع واروح بعد مايجيني الطلق ويفتح معاي الرحم واجلس بالمستشفى لما يفتح مره وتجيني دكتورتي من عياده ثانيه صحيييح اموت من التعب بس اخرتها اولد طبيعي والجنين بصحته في حملي هذا مرعوبه مررره
كل اللي اتذكره من حملي ان تجيني اعراض الولاده الحقيقيه ورى بعض هذا معناته ولاده غير الدم او المويه اللي تنزل ووو....في حملي هذا من اول التاسع وانا اكل تمر 15 حبه في اليوم وامشي يوميا نص ساعه او ساعه واشرب يانسون يوميا كاسه وموية زمزم مقري عليها ايات التسهيل كاسه برضوا وواللي الاحضه من بديت اخذ هالاشياء بعد مااكلها احس بشوي تقلصات خفيفه في البطن بس ماتطول تروح لكن بالنسبه للمشي لما اروح امشي وانا امشي احيانا احس البطن متحجر اسفل وقاسي كأن شي بيطلع شوي ويهدى ....واحيانا احسه بعد ماارجع من الممشى في البيت اجي ابغى امشي احس بتحجر والم اسفل البطن مع شده احس كذا مااقدر امشي واحيانا نغزات في نفس الرحم زي التقلص ....وامس صلحت كبوا مره مع قشر بصل وكمون بس ماطول دقيقه بس ...وبعدها نمت جاني شوي الام في بطني خفيفه واحس البيبي يتحرك بقوه مع الم يألمني في حركته زي الطلقه كذا بس مااستمرت دقايق واختفت ونمت ولما صحيت الصبح حسيت ضهري من النص مفكك والم احس ابي احد يهمزني زي لما الوحده تجيها الدوره وضهرها يسير مفكك ماتقدر تتحرك وشوي وخف وفي نفس اليوم رحت امشي وبرضوا نفس الشي مع الحركه والمشي تحجر والم ولما ارتاح يخف حتى لما رجعت بيتي مجرد امشي احس نغزات تحت تروح وتجي بس سرعان ماتختفي حتى اني شميت حبه حلتيته خفت يكون الرحم مفتوح ويجيني شمم لان اللي عندي الكل بس عطر وبخور مااقدر امنعهم فما ادري وش هالاعراض انا ماعمرها صارت لي في حملي السابق واحس خلاص سرت مرهقه وهلكانه فمين اللي عندها نفس اعراضي او تعرف شي انا استعجلت ابي اولد واطمن على نفسي والبيبي تعبت من التفكير لاني عندي فقر دم شديد واثر على البيبي ونقص نموه بس ادتني الدكتوره اسبرين علشان يوصل للجنين الدم والغذاء والحمدلله زاد وزنه وتحسن و علشان كذا استعجلت بس قلق وتفكير فيارب سمعني قريبا كل خير ويكون طفلي صحيح معافا سليم وتكون ولادتي اسهل وووولاده انا وكل حامل يااارب

للمعلوميه انا بعد اربع ايام اكمل نص التاسع