عندي اكتــئاب والسبب ولدي اللي عمره 9 شهور

السلام عليكم

ببدا بقصتي علطول
اتمنى الاقي حل

ولدي الله يحفظه من يوم خرج من بطني وهو مزعج مزعج مزعج لدرجة ماتتصوروها
ياناس لاتقولول كل الاطفال كذا لا والله في اطفال تقدرين عليهم بس ولدي جنني
حتى رضاعة مارضع من صدري ابدا كل مااقربه من صدري يصيح صياح يفجر راسي بكاء غريب ويقاوم وهو عمره اسابيع
احاول بكل الطرق مايسكت والله كنت ادعي على نفسي بالموت استغفر الله تمر ايام مااذوق النوم
العب معاه مايسكت
لكن لما يطلع مكان يهدا شوي بس اذا فتح فمه وبكى مستحيل يسكت الا بطلعة الروح
والحين عمره 9 شهور كل ماكبر زاد بالبكا
ماينام الا بطلعة الروح يبكي يمكن ساعة كاملة وبعدين ينام وهو اصلا منوم اشغل قرآن اقرا عليه مافي فايده
وكل شوي افز من نومي على صياحه
مستحيل ينام 4 ساعات من غير صياح وهو مو جوعان ولا شي يقطع حلقه من الصياح وبعدها يرجع ينام
والله اني اغلب الايام اصحى من نومي مصدعة من صياحه

بلا سبب لاتقولو في شي يوجعه لا والله هو طبعه كذا من يوم ولد
وعصبي على اي شي يعصب تطيح اللعبة من يده يعصب ويصيح بصوت مزعج
الالعاب يطفش منها بسرعة ويرجع يبكي
اذا طلعت من الغرفة وخليته يصيح لدرجة صوته يروح وهو يبكي

والله صرت اعصب عليه مااقدر اتمالك نفسي اصبر وبالنهاية اضعف اخاف يتعقد من صراخي عليه


اتمنى اني القى عندكم حل يريحني شوي او نصيحة تخفف علي
اللي مرت بنفس التجربة تساعدني
او تعرف اي شي يهدي الطفل شراب او اي شي للاطفال
وهذا اول طفل لي بعد انتظار ست سنوات
الله يخليه لي

وكل اللي تمر على موضوعي تدعيله بالهداية ولي بالصبر
سبحانك اللهم وبحمدك اشهد ان لا اله الا انت استغفرك واتوب اليك