عندي امل كبير ومحتاجه دعواتكن!!!

السلام عليكم ورحمة الله وبركاته



مادري منين ابدا ولا ايش اقول .................

قصتي بدت من 16 سنه من معانات العقم والمشكل هان زجي ماعنده حيونات منويه وماخلا ولا علاج ما اخذه ولا اعشاب ولكن الحمدلله على ماقضى ودبر ما استفاد من شي ....

انقطعنا عن العلاج يمكن 4 او 5 سنوات في شهر شعبان اللي فات قلت لزوجي ليش مانعيد المحاوله وفعلا راح لعيادة سمير عباس بالرياض واعطاه علاجات وفتمينات قال كلها ثلاث شهور وتعال وزود زوجي كبسولات وادي النحل

الاربعا اللي فات كمل ثلاث شهور ورحنا لدكتور قال لازم تحليل سايل منوي طبعا ماخفيكم كان عندي امل كبييييير انهم يحصلون حيونات منويه لو قليل واخذوا لعينه وقال الدكتور بعد ساعه تطلع النتيجه ودخلت صالة الانتظار ونتو تخيلو وقت انتظار
النتيجه والله مدري شلون مرت ثقيله
وبعد ساعه نادوني ودخلنا على الدكتور وكان في يده قلم ويشخبط جلس زوجي ونا توني ابي اجلس وكنه يبشر بخبر سعيد قال للاسف مافيه حيونات منويه انا نزلت دموعي مو جزع الحمدلله على كل حال واعطى زوجي موعد عملية خزعه او تفتيش

الاسبوع الجاي دعواتكن يحصلون لاننسى ان فيه ملك موكل يقول ولك مثل ......وعندي امل يحصلون بتفتيش ..........

طلعنا من المستشفى ونا فيني صيحه ودي اصيح ماقدرت خفت على مشاغر زوجي

الغريب هو عادي ماتضايق ...ركبنا السياره قال ايش تبين عشى قلت أي شي

نزل يجيب عشا وفرحت انا حتى افرغ الصيحه وبكيت وبكيت نفست شوي جففت دموعي

وجا زوجي جاب العشا ......... طبعا الموعد كان 6 ونص ماطلعنا الا اظن ثمان وحنا من القصيم

اكتب قصتي ابيكم تدعون لي لان قررنا تكون اخر محاوله لان زوجي سوى العمليه قبل 3 مرات ...


اللهم يامن رزقت ابراهيم وزكريا على الكبر ومريم ولم يمسسها بشر ارزقني والمحرومات بذريه تقر بها اعيننا وتسعدنا يارب