عندي برسنتيشن عن السعودية..ايش اكتب ؟؟؟

تكلمي عن التقدم والاطباء والامان والابراج والعمران واشياء كثيره مميزه منها الجمعيات الخيريه الضمان الاجتماعي ..........الخ

هلا حبيبتي
انا سويت برزنتيشن عن الرياض
والحمدللله اخذت a
وكانو كل الموجدين مستغربين من السعوديه يحسبونها صحراء وجمال مافي ناطحات سحاب ولا شي
فهو يعتمد على الوقت وهل في نقاط مهمه مطلوب انها تذكر
اولا قارني بين الحاضر والماضي السكن المدارس الجامعات اللباس(وحلو انك تلبسين عبايه وتقولين انه كثير من الناس يحسبون انها لباسنا التقليدي ولكن هذا خطأ وتشرحين) المواصلات مطار الملك خالد اكبر مطار في العالم
وما اضن انه لازم تطرقين لمكه او المدينه بأشياء كثيره ادري ان الكل بقوم علي بس تعرفون الدين المعامله فأذا شافونا صادقين وتعاملنا كويس معاهم فبيعرفون ان هذا نابع عن ديننا اما اجلس اشرح واقول الناس اراء

هم عبده للمال فقولي ان التعليم والمستشفيات مجانا وما عندنا ضرائب

هلا حبيبتي

انا كان عندي برزنتيشن من اسبوعين عن السعوديه

اول شي حطيت علم السعوديه والنشيد الوطني بالصوووت وحطيت النشيد مترجم بالانقلش

وبعدين عرفت عن الملك عبدالله وانه كيف يساعد الناس في كل مكان ومن ذا الكلام

بعدين حطيت صور للدله والتمر والحلى وقلتلهم انه احنا لمن احد يجينا نقدم القهوه العربيه شي اساسي

ومعاها تمر او حلى وقدمت لهم قهوه وبسبوسه مررررررره عجبتهم وقلتلهم انه احنا نقدما من اليمين لليسار و كذا

بعدين عن العاصمه الرياض وكتبت عنها كثير واكتبي زي ماقالت الاخت عن المطار

وعن ناطحات السحاب وعن المستشفيات واذكري نقطه مهمه انه في الرياض في الدكتور الوحيد اللي يفصل التوأم

وكتبت عن مكه والمدينه حطيت صور وكتبت نسب للزائرين سنويآآ في رمضان والحج وانه كيف احنا نتعاون معاهم

ويجون من كل بلدان العالم وفي نسبة مسلمين في امريكا بس مدري كم :35:

وبعدين شوي صور عن بعض المدن وايش يميزها واهم شي عن تبوووك عشان فيها ثلج

قالت لي من جد قلت ايه والله ينزل مره كل 3 او 4 سنين قالت آآه قلت ايه لازم تعرفين عندنا خييير

وحطي كمان عن الجنوب في طبيعه حلوه

وقولي انه الجو في السعوديه مو واحد كل منطقه وجوها

وعجبتني فكرة بوادي حطي نسب للطلاب والطالبات واكتبي الوظايف اللي يتوظفون فيها وركزي اكثر عن الحريم

وانا اضفت شي عجبهم مررررره كان عندي فلوس سعوديه وريتهم هي وقلتلهم انها فلوسنا تغيرت للأحسن

عارفين ليش؟؟ عشان فكرنا في العمي وحطينا الفلوس لنا وللعمي وهذا من تفكير شاب سعودي

ووريتهم الفلوس وخليتهم يحسسونها ومررتها على كل الكلاس

وكنت لابسه اخضر وابيض وقلت لهم انه زي علمنا واكتبي كمان عن ايش يرمز العلم الالوان والسيفين والنخله

وبسسس

ان شاء الله اكون افدتك

ولاتنسين تتوكلين على الله قبل كل شي

الله يوفقك يارب وتاخذين A+ يااااااااااارب

مشكورين كثير...

بس احس فشلة اوريهم المملكة والفيصلية كأننا ماعندنا غيرهم..الدول مليانة ناطحات سحاب..احس بيضحكون علي