meme4ever :

سلطة الجرجير جرجير + خس + طماطم صغيره (تشيري تماتو) +صدور دجاج الصوص: زبادي- مايونيز- ثوم -ملح وفلفل اسود الطريقه: قطعي الجرجير والخس الى قطع كبيره شوي والجرجير كميته تكون اكثر من الخس..طعمه الذ وقطعي الطماطم الصغيره الى نصفين.. اخلطيهم كلهم مع بعض صبي عليهم شوي زيت زيتون وحطيهم بصحن التقديم خذي صدور الدجاج رشي عليهم ملح وفلفل وشوي كمون حطي بمقلاة شوي زيت زيتون..الين يحمى الزيت,,حطي صدور الدجاج عليه وغطيها الين تتحمر وبعدين اقلبيها على الوجه الثاني وغطيها ..الشغله ماتاخذ منك اكثر من 10 دقايق شيلي الصدور وقطعيها شرايح واضيفيها فوق السلطه.. اخر شي اخلطي مكونات الصوص مع بعض (تقريبا علبتين زبادي مع ملعقتين مايونيز وفص ثوم ) وملح وفلفل طبعا وغطي السلطه بالصوص بدون ماتخلطينها.. وقدميها الف صحه وهنا... ___________ سلطه سهله ولذيذه المقادير: خس مدور ((يسمونه خس أمريكي لكن انا مااشتري الامريكي في منه سعودي أرخص)) ذره علبة صوص بلو تشيز من قودي او اي شركه للأسف ماعندي صورته علبة بطاطس عيدان الطريقه: قطعي الخس بيدك عشان مايسود..لأن السكين سبب سواد الخس اخلطي معاه الذره..صبي عليه الصوص وحركيه.. حطيه بصحن التقديم والوجه غطيه بالبطاطس وبسسسس قدميها وماراح يبقى في الصحن شي والف صحه وعاااافيه.. ___________ سلطة الزهرة تقطعين ملفوف وتقلين باذنجان وزهرة وتخلطينهم مع بعض مع رشة ملح وعصير ليمون بعدين تجهزين الصوص : (ثوم وطحينة وزبادي وملح وفلفل واسود وشطة اي نوع ولو كان سومطرة افضل) تحطين السلطه في طبق التقديم و تضعين الصوص على الوجه وتزينينه بـ خبز مقلي ___________ سلطة المستودع كل شي عندك بالمستودع حطيه (حمص + فاصوليا حمراء + مكرونه حبات مسلوقه + ذره + بازيلا + جزر مكعبات مسلوق + بصل اخضر + بقدونس مفروم + مكعبات بطاطس وبيدجان مقلي ) الصوص (زبادي + طحينه + خل + عصير ليمونه + مايونيز بالشطه) للوجه (خبز مقلي) اخلطي المقادير كلها وصبي عليها الصوص واخلطيه معها وزينها بالخبز تراها لذيذه وتواجه . . ___________ سلطة الطبقات جيبي صحن التقديم وحطي طبقة خس طبقة خفيفه لاننا بنعيد الطبقات المهم طبقة خس بعدين رشي عليها رشة ملح طبقة جزر طبقة ذرة ارجعي عيدي الطبقات خس - جزر - ذره بعدين الصوص .. الصوص : ( علبة زبادي + 3 م ك مايونيز + 2 م ك طحينه + عصير ليمونه + ملح + فص ثوم) حطيه على وجه السلطه وزينيها بعيدان بطاطس الجاهزه ولا خبز مقلي (ممكن تقلين كميات وتحفظينها بالفريز مايضره) ___________ سلطة سيزر خس تخلطينه بصوص سيزر من كنور (الطريقه على الغلاف) وعلى الوجه توست محمص( 5 حبات توست تشيلين الأطراف وتدهنينها من الوجهين زيت زيتون ورشة زعتر وتقطعينها مكعبات وتحمصينها بالفرن لاحد مايصير لونها ذهبي) وقطع دجاج ( ممكن تجيبين 3 حبات برجر دجاج وتقطعينها مكعبات وتقلينها وتحطينها على وجه السلطه أسهل لك) بس أخلطي الخس مع الصوص وحطيه بطبق التقديم وحطي الدجاج وفوقه حطي مكعبات التوست ___________ كللللللللللللها سلطات مجربه ومضمونه وتواجه بس اذا استفدتي منها وأي أخت تستفيد منها أسألكم بالله تدعون لي ان الله يحقق لي اللي في بااااااااااااالي يارب:44:

سلطة الجرجير جرجير + خس + طماطم صغيره (تشيري تماتو) +صدور دجاج الصوص: زبادي- مايونيز-...

اصغر طباخه :

شوفي انا اسوي هالسلطه بكل عزايمنااا مره اتجنن اول شي اقطع خس واصفه بالصينيه ويصير طبقه بعدين احط بطاطس مقلي مع زهره وباذنجان ويصير طبقه بعدين احط بصل اخضر مقطع ويصير طبقه بعدين اخلط فاصوليا حمرا مع ذره واحطها واتصير طبقه يعني يصير لونين اصفر مع احمر بعدين ازينها بخيار حلقات وبقدونس مفروم وخبز مكعاب مقلي وبالوسط اسوي صوص واسكبه عليها من فوق 2علبة زبادي فص ثوم مهروس شوي ملح 3ملاعق مايونيز متبل السلطه الفرنسيه قودي شوي احط واحط شوي خردل يصير الصوص مايل للبرتقالي وطعم هالسلطه خياااااااال ادعيلي

شوفي انا اسوي هالسلطه بكل عزايمنااا مره اتجنن اول شي اقطع خس واصفه بالصينيه ويصير طبقه بعدين...