السلام عليكم
حبيت اشاركم تجربتي في ضبط الهرمونات و التكيسات لحتى انعم الله علي بالحمل .
مع العلم جربت التنشيط 3 مرات سواء بكلوميد او بابر و ما نفع ..بعدها انا وقفت التنشيط لانو بعرف قديه ممكن يضر على المبايض على المدى الطويل و صرت ابحث عالنت لحالي و ادور مو على علاج التكيس بل كيف اوزن هرمونات الجسم و هاي اول خطوة للحمل
هلا من تجربتي والبحث تبعي الاشيا الي بتساعد على تنظيم الهرمونات عند المراة هي
1.فيتامين د (جدا جدا جدا جدا جدا مهم يعتير كهرمون عند النساء عقد ما هو مهم لعمل الهرمونات)
2.الابتعاد عن النشويات البيضاء متل الخبز الابيض و المعكرونة اقطعيه عالاخر و استبدليه بالاسمر و قللي الكمية
3.بعدي عن ايا شي مضاف عليه مواد حافظة متل المعلبات او اصباغ صناعية و سكريات و اي مواد تجميلية ممكن تحتوي على مواد صناعية ممكن تدخل للجسم و تتحول لاستروجين كاذب مما يؤدي لخربطة الهرمونات متل فول الصويا و صلصة الصويا و العديد من الامثلة
4. يجب تناول الزيوت الطبيعية غير المهدرجة لانها ضرورية لعمل اساس تبنى عليه الهرمونات متل زيت الزيتون او زيت جوز الهند (انا كنت اشرب معلقة كبيرة من زيت جوز الهند يوميا)
5.تناول حبوب زيت السمك بتساعد التبويض علشان بتحتوي على اوميجا3
6.ممارسة الرياضة (اوعي تحكي انا نحيفة وما بتلزمني ..انا حملت بعد شهر من لما جبت جهاز المشي كنت العب نص ساعة الصبح و نص ساعة المسا لحد ايام التبويض و بعدها نص ساعة مشي خفيف عشان ازا الله اكرمني بالحمل ما يسقط).
7.بعدي عن التوترو القلق من تاخر الحمل لانو بعلي الكورتيزون واي هرمون زايد عن حده الطبيعي بلعب بالهرمونات التانية )
8.مساج اسفل البطن من اجل التروية الهرمونية (ممكن تروحي لوحدة ممرخة )
9.النوم العميق (هاي اهم وحدة فيهن كلهن لانو اثناء النوم العميق فقط الجسم بتخلص من السموم وبوازن الهرمونات ..النوم العميق بالليل مو المتقطع او السهر بالليل و النوم بالنهار ..ولمعلوماتكن اول خطوة لامراض الهرمونات هي السهر ).
10.شرب الماء (كنت اشرب يوميا 8 اكواب).
11.هلا نجي للادوية ..انا اخدت الجلكوفاج فترة طويلة كتير بعدين وقفتو لاني كنت خايفة من مضاره سواء عالكبد او غيرو ..بس بنفس الشهر الي حملت فيه رجعت اخده من بعد انقطاع..تاني شغلة في نباتات بتساعد على توازن الهرمونات متل نبتة الشاست بيري انا اخدتها عشكل حبوب اسمو فيتكس طبعا كنت اقرا عنها عالنت .بس انتبهو ازا معك تليفات بالرحم اوعي تاخديها ..طبعا اخدتها شهرين اول شهر ما صار جماع بايام التبويض لمشاكل زوجية ..تاني شهر حصل جماع وحمل ولله الحمد ..كنت اقرا انو ما لازم تتاخد اكتر من 3 اشهر متواصلة انتبهو لهاي الشغلة و كمان كنت اقرا انو منكن الها علاقة بخلفة البنات وانا فعلا جبت بنت فما بعرف بالزبط والله اعلم
وهلا حديثا في توجه كبير خصوصي برا للسيطرة على التكيسات و لفتت نظري للموضوع وحدة هون بالمنتدى ..ربي يجزاها كل خير هي مادة d chiro inositol طبعا لسا ما جربتها بس انتو كمان ابحثو عنها و جمعو معلومات ..هي بتزيد حساسية الجسم للانسولين و بتخفض مقاومة الانسولين الي بكون عند المتكيسات .
باختصار بدك تعيشي حياة صحية جداا و تبعدي عن كل الاكل المصنع و المضاف اليه هرمونات لعبت باجسامنا لعب و تقللي من مقاومة جسمك للانسولين
12.طبعا الدعاء و القرب من الله ..انا كنت دايما ادعي( حسبنا الله سيؤتينا الله من فضله انا الى الله راغبون )..وبالفعل اتاني الله من فضله والحمدلله..هو دعاء المعجزات بالنسبة لالي
ملاحظة : اوعي تاخدي ايا دوا خلال الحمل انا دكتورتي اقنعتني اخد جلوكوفاج عشان ما اسقط ..وللاسف بنتي عندها مشاكل بعظام الحوض ..الحمدلله عكل حال
نشالله يا رب تفيدكم هالنصايح الي مشيت عليها والله انعم علي عسى انها تكون سبب في حمل وحدة فقدت الامل من الحمل متل ما كان وضعي ..كل الي اطلبه دعوة صادقة لابنتي بالشفاءويجعلها من الصالحات و ربي يرزق كل محرومة يا رب
طبعا من بعد ما ولدت رحت فحصت بعد 3 اشهر وكان فيه تكيس ..فما تفكري انو الحمل والولادة علاج لاء بدك اضلي ماشية عالحمية وتبعدي عن الاشيا الضارةو الي كلها هرمونات..طبعا كنت ماشيه على هالحمية 8 اشهر قبل الحمل
وتكيس المبايض ما يمنع الحمل
وحبيت أنبهك على عنوان موضوعك اكتبي من فضل ربي ثم الحمية
والله يرزقنا جميعا الذرية الصالحة