عندي لك كم فكرة ان شاء الله تفيدك
طلعي النوى منه مقدار كاس وحطي عليه موية حارة وخليه يلين شوي وتبرد الموية
وسوي فيه كيكة تمر
3 بيضات - فانيلا- ثلاث ارباع ك سكر - نص ك زيت - كاسين طحين - ملعقتين قرفة - ملعقه بيكينج بودر - التمر مع مويته
واخلطيها واخبزيها ولما تطلع زينيها بالتوفي
اي مشوار بتروحين بيت احد سوي لك كيكة تمر لذيذة حتى اللي ما يحبون التمر يحبونها
وممكن تسوينها كب كيك
وفيه طرق كثيرة اكثر من هذي موجودة بالنت واكتبي كيكة التمر بصوص التمر
وتفنني فيها اذا بتروحين لاحد او بيجيك ضيوف
كذلك سوي معمول مرضية الوالدين
والتمر اطبخيه بدون نوى عالنار مع زبدة وبهارات معمول
وممكن تسوين فيه قشد وتمرية واشياء كثيرة
واكتبي حلا التمر بتطلع لك انواع واشكال
واذا بيجونك ضيوف اشتري الاكياس الصغار عشان ما تتوهقين فيها
دعواتك :)
الصفحة الأخيرة
ترى التمر له فوائد ( بيت لاتمر فيه جياع اهله ) لاتفرطي فيه اما تسويه زي ماقالوا لك او تتصدقي فية