عندي ثلاث اطفال و افكر بكره اروح بيت اهلي و اطلق

انا متزوجه لي 7 سنوات و عندي ولدين و بنت و عمري 27 سنه
تزوجته و انا عمري 19 سنه مغصوبه من امي و انا ما أبغاه
سبب رفضي له في ايام الخطوبه ما ارتحت له نهائي كنت انا و ابوي نشك انه يتعاطى او يشرب
لانه كان يجيني وعيونه حمرا و مبققه كلمت امي صحت صرخت كل شي سويته اتصلت عليه و قلت له اني رافضته بس انا مغصوبه مافيه فايده تعبت تعبت يالله كيف بعيش مع هالأنسان
كان يجلس جمب بيت اهلي يراقبني بخيييييييييل بقوه و شكاك 24 ساعه على جوالي احتكاري
لا طلعه و لا سفر و ساعات يحرمني من صديقاتي
نفسيتي زفت ما عندي الا الدعاء و البكى جفت دموع عيني و انا ابكي و انا اترجى في امي
و ماعاد نفع ورحت معه و ذقت الويل بسبب مشاكلي معه جاني تسمم حمل وولدت بدري
كان يضربني و انا حامل و انا في النفاس جمب امي آه وربي ضاقت بي الدنيا
حاولت اخليه يصلح ماعاد فيه يزيد ولدت وجبت بنتي و سوى لي مشاكل بالنفاس وصلت للطلاق
لكن رجعت بسبب ان امي نكدت علي ماتبيني اطلق
ويوم رجعت اكتشفته يكلم وحده ويوم واجهته قالي انتي كلمتيها لايكون قلتي لها وضربني
و بعدها حملت و بسبب ضربه اجهضت حملي و ماعلمت انه هو السبب كان يحاول يخنقني
و يقولي موتي وهو يخنقني الين حسيت روحي بتطلع و يرجع يخليني اتنفس و يعذبني من جديد
ورم وجهي من الضرب ووسم جسمي
وبعدها حملت مع اني كنت ماابغى بس ربي كتب وجبت ولدي و عمره اللحين شهرين
كنت والد قيصري ذقت الموت من التعب وآخر شي صار يغازل اكثر من اول
بعد ما رجعت كان يكلمني عن أشياء وصخه مثلا يتخيل وقت النوم انه هو بنت يعني سحاق
ويطلب مني أقص له قصص عن هالشي و يتخيل معي بنات
و يتكلم عن اختي و يقولي وهو يتخيل عادي اجيها و كلام اكبر من كذا بكثيييير
في رمضان ألقاه يفطر بالسطح يشرب دخان مايخاف من ربه وسخ لأبعد درجه
ولسانه طويل حاولت احط امي قدام الامر الواقع وأطلب منه يطلقني ويوديني بيت اهلي
استفزيته ماعاد في فايده قلت له طلقني اقل شي أقولها طلقني ما يرضى يبي ينكد علي
انا سمعت من أقارب له انه يتعاطى بس ماتاكدت بس احيان يبان عليه
يعصب و يسهر باليومين و يبلم ويحب يجلس لحاله وأقل هوشه جمع اهله لاني في شقه لكن على نفس الباب و المدخل
كلمت امي وقلت لها ولدي و بنتي بخليهم عنده بس ولدي الصغير بأخذه لانه صغير يرضع مني
مااقدر اخليه تسكت ماترد والله لو عندي مكان غير بيت اهلي ماكان جلست عنده دقيقه
لكن البيت بأسم امي وماتبيني
فكرت اخذ ملابسي بكره زيارتي الخميس و أقوله ماعاد برجع والتوظف وأخلي ولدي في حضانه
طلبتكم عطوني رايكم الله يسعدكم