عندي ثلاث بنات وابي ولد.

ارجو من كل الاخوات الي تحب تساعدني تكتب لي اسم الدكتورة والمستشفي واذا ما قدرت تكتبها عن طريق الرسائل الخاصة بالموقع وشكرا

اختي كادي ..

هل سألتي عن حكم هذا العمل ..؟ هل هو مباح ..؟

اذا كان مباحا اعطيتك عنوان طبيب في الرياض سمعت انه يقوم بتحديد الجنس وقد حملت امرأه بولد بعد انجابها لسبع بنات ...والله اعلم ..

هلا والله احتي / كادي الجنوب


الله يرزقك ويرزقنا نفس حالتي نفسي في ولد بس مالله كتب


اختي بنت العز

اتوقع ان هاذا العمل مباح على حسب ماقريت في الرابط هاذا



http://hawaaworld.com/vb/showthread.php?threadid=47299&highlight=%C7%E1%D5%E6%CF%ED%E6%E3

ياليت تفيدنا اذا احد مجربها عند نفس الدكتور وتعطينا اسمه وعنوانه



تحياتي للجميع

هلا وغلا بالكل:

اختي بنت العز لية تلوميني ليشني ابي احقق امنية واني احلم بهالولد ... لو مرت عليك الايام ونحطيتي بمكاني كان يمكن عذرتيني وقدرتي وضعي ... اعرف واحدة مطوعة هي وزوجها وجاها اربع بنات يوم جلسنا نتكلم قالت استغفر الله واشوي وتبين انها معارضة الفكرة وشكلها تمثل قدامي لانها بعد هالسالفة جلست تحاول تتعلم اشلون وتفتح هالمواضيع معنها هني راح حلالها وحرامها .....!!
انتي لا تلوميني الله يلوم الي يلومني من حقي افكر ببناتي وابي لهم سند ورجال بكرة لما يكبروا يلقون واحد يساعدهم ويدعمهم وعيون الناس الي ما ترحم ... والغمز واللمز لية تلوميني؟
زوجي مو من حقي اسعدة واجيب لة هالولد ..... وخاصة ان مجتمعنا الشرقي يحب الاولاد ويفضلهم علي الاناث ....

اسفة للكل
الي يحب يساعدني يساعد والي ما يحب ..... لا يلومني ليحس بمكاني انا مو بشر يا عالم وابي افرح واقر عيني بولد مثل خواتي والباقيين مو كل شوي يقولون لي يام البنات .
كان عندي ريموت كنترول اتحكم اضغط زر يجي الولد اضغط زر تجي البنت اضغط زر احمل
سرت مرعوبة من الحمل وخايفة اجيب الرابعة ... يا خوفي .
وين اروح من نظراتهم وكلامهم وغمزهم ونظرات زوجي الي يحاول انه ما يبين لي شي
الرحمة يا ناس ..... الرحمة زينة... ارحموا من في الارض يرحمكم من في السماء .. انا تعبانة من هالمشكلة.

مشكورة اختي بنت نجد ... بس حبيت اسالك انتي جربتي طريقة سيدة الوسط وما نجحت ولا لسا وتعرفين طبيبة شاطرة تدليني عليها .

اختي كادي ..
انتي شايفه في كلامي اي لوم...!!!!!!!
ليه فهمتيني غلط ...!!!!؟؟

انا ابغى اسأل عن حرمة هذا الأمر من حله فقط ..فهل هذا شي يزعل ...!!!؟؟ انا لاأدري هل هو حلال ام لا ...!!

انا عند وعدي اني اساعدك لأني اعرف عنوان طبيب لكن لاأريد ان استاثم لأني لاأعرف الحكم ..هذا كل مافي الأمر ..

والله يرزقك ان شاء الله بدرزن اولاد (( صالحين )) ان شاء الله ..