عندي حالـــــــــــة طفــــــل غريبـــة ميئــــووس منـــــها ؟؟؟؟؟؟

نجدية كول :

حبيبتي في هذا السن لا تكثرين نقاش معه بالعكس تعطينه امر .. مثلا قام يصارخ ويشتم تقولين له خلاص وقف لا تسوي كذا .. ما سمع كلامك تاخذينه وتحطينه بغرفته وتسكرين عليه الباب لمده اربع دقايق (على كل سنه تحسب دقيقه واحده عقاب) وانتي واقفه ورى الباب خليه يصرخ ويمكن يضرب الباب ويمكن يكسر الأشياء اللي بالغرفه اصبري اربع دقايق وبعدها افتحي الباب وامسكيه وانتي تطالعينه وقولي له بحنان انت عارف ليش انا دخلتك الغرفه بيجلس يبكي ويقولك السبب يمكن مو من اول مرة تنفع بس مع مرتين ثلاث راح تنفع وتذكري كلامي هذي نقطه .. نقطه ثانيه اشتري هدايا وقولي لعيالك كلهم او اذا ما عندك اولاد اختك او اي احد بسنه ودايم معكم ان المؤدب رراح ياخذ هديه واللي يتصرف تصرف غلط ما ياخذ ..ونفذي اللي تقولينه اذا استحق عطيه واذا عاند وسوى حركات لا تعطينه .. جيبي ورقه وعلقيها على الجدار وكل ما سوى شي صح شجعيه وحطي وجه مبتسم واذا سوى غلط حطي له وجه يبكي .. واخر الاسبوع مثلا على عدد النقاط اللي جمعها يستحق هديه .. مثلا عنده 3 وجوه مبتسمه و4 باكيه يكون عنده بهذي الحاله ثلاث نقاط بصالحه على كل نقطه مثلا ريالين او 5 ريال ياخذها ويشتري اللي يبي .. داااائما شجعيه وقولي له ما شاء الله عليك ولد صالح ولد بار ولد مؤدب كثري له من الجمل الإيجابيه .. ولا تنسين تحضنيه كثير .. واقري عليه دايم .. سبحان الله القراية تهدي مرة .. صدقيني نفعت مع ولدي والله كااااااااااااان متعب بشكل والحمد لله يارب ما شاء الله الكل يسألني يقول لي ولدك تغير شلون ؟؟ طبعا يبيلها صبر ووقت تحملي شوي واللي زي ولدك ما يجي ترى بالضرب او النقاش اللي ما منه فايده .. شي ثاني بضيفه اذا شفتيه يصارخ ويبكي ممكن يكون يبي لفت انتباه منك اذا تفاعلتي معه بيكسب انتي سوي نفسك ماااااااااا تشوفينه ولا تسمعينه وحاولي تتماسكين او تنشغلين بشي ثاني والله بإذن الله بتلاحظينه هدى.. الله يهديه ويصلحه ياااااااااااارب .. :)

حبيبتي في هذا السن لا تكثرين نقاش معه بالعكس تعطينه امر .. مثلا قام يصارخ ويشتم تقولين له خلاص...