عندي حاله نفسية مثل ما قال

السلام عليكم
خواتي انتو خواتي انصحوني اللى اسويه غلط او لا وصدق من تصرفاتي انا مريضة
انا متزوجة من 4 سنوات من اول زواج اول ما تزوجنا زوجي كان يتضايق اجلس جنبه او احط راسي على صدرة يتحجج ان راسي ثقيل ويخنقه او انه يمسك ايدي عمره ما مسك ايدي سوا داخل البيت او خارجة او انه باسني او يقولي يعطيك العافيه او حلوة اليوم لا مدح ولا شي بس وقت يريد شي وسرت اعرف يتغير بس يخلص يرجع مثل قبل والله يا بنات مش حسد بس لما اشوف واحد ما سك يد زوجته اقول ليش زوجي ما يحسسني انه يحبني لما اقوله شوف يقول هذيلا مو خليجيين لما اشوف خليجيين يقول ماسكها عشان ما تشتري شي ويتكلم بجد مو مزح قلت بخليه براحته لما يقعد انا بمكان وهو بمكان بس اللى يضايقني انه ما يطلعني حتى لما احتاج ملابس هو يروح يشتري لي تخيلو حتي ملابسي الداخلية لو ما قدر يقولي اطلعي مع اخواتك واشتري بس انه هو يطلعي مستحيل احسه يتفشل مني بقولكم ليش لما اروح على موعد في المستشفي تلاقيه قاطع 500 كيلو متر وانا اركض وراه لما اوصل عند الريسبشن يقولي اقعدي وانا بخلص بس يخلص يستناني في السيارة او برع عمرنا ما وقفنا جنب بعض قلته انته تكرهتي قال انتي مريضة لدرجة انه ما يوديني عند اقاربه يروح لوحده انا بصراحه ما فيني جمال حتى بالمكياج بس هو اختاري بس ساعات اقول اختاري عشان الفلوس بس لانه يطلب مني فلوس كنت اعطيه من غبائي لما يستلمهن كان يتغزل فيني وانا الهبلا افرح ويوعدني بيطلعني ويعوضني بس ما شفت شي حتى المهر والذهب باعه لما صارت مشكلة بينا وطلبتهن قالي بالحرف الواحد انتي اعطيتني برضاج ما غصبتج هالفترة ما اشوفه الا وقت الاكل والنوم بس بس انام يطلع يسهر كلمته قال انتي مريضة وبعدين انتي نايمه شو تبغين مني
انا كنت فاقده الحنان بيت اهلي ابوي الله يسامحهه كان يضربنا ويهينا قدام الناس قلت بس اتزوج الله بيعوضني بحنان زوجي لقيته جاف او يكرهني والله اعلم لاني ما احس باهتمامه حتى وقت يغييب بس يسال عن اولادة دايما يقولي روحي نامي عندك اهلك او سافري لعندهم شهر شهرين قلته ما تبغيني اظل عندك يقولي تفكيرج مريض انا حاب تغيري جو قلته طلعني بغير جو معك مليت من الحبسة قالي مو فاضي مع انه ما عنده شغل
شورن على 4 سنوات وانا اعامله مثل ما يعاملني بس تعبت صرت اكره المعاشرة معه لان يجاملني هالفترة ويرجع مثل اول ولما البس واتعدل ما يمدح او شي صرت ما البس صار وقت ما يبغي يقولي روحي البسي البس وارجع غير الحرمة لو سمعت كلمة طيبه على اقل باسلوب حلو احس كلامه كله امر وقت يكون جوعان يقولي يالله بسرعه روحي سوي اكل يالله شيلي الاكل ونظفي هذا اسلوبه بالكلام تمنيت مرة يقولي حبيبتي سوي غدا او يعطيك العافيه على هالاكل حتى اول زواج ما سمعتها
طولت بالكلام حبيت افضض