عندي حق ازعل و لأ لا؟ ادخلوا و احكموا

السلام عليكم
امس رحنا بيت اهل زوجي و لما كنا تنقهوى (انا وزوجي و اخته و امه و ابوه) قال ابوه الليلة ملكة فلانه بنت فلان
جارتهم بيتزوجها فلان ، قال زوجي : ياااابخته
علما بأن زوجي دائما يعلق على اي حد يتزوج و يقول يا بخته ع اساس يستفزني و انا عادي اطنش اعرف انه يمزح بس هذا النوع من المزاح يكون عادة بيني و بينه ، ما قدام اهله
انا بصراحه تضايقت جدا لما علق بهذا التعليق امام اهله .غضبت و احمر وجهي و تلخبط شكلي بس كنت احاول اخفي ردة فعلي ..امه حاولت تستدرك الموقف و قالت تعليق ما اذكره المهم نفس سياق تعليق اخته اللي قالت ما حد محظوظ الا انت.. عاد هو رد وقال صحيح انا محظوظ للغاية.
بس انا ماعجبني انه يقول كذا قدام اهله..خاصة النبرة اللي استخدمها ..يعني كأنها من قلبه طالعه
سكتت وماقلت شيء بس تضايقت وحاولت اني ما اهتم لكن ما قدرت الا اني اهتم و اتضايق
البارحة طول الليل يسألني اش فيك و انا اقول لا شيء
و اليوم لما راح الدوام ( يداوم في منطقة بعيدة جدا عنا) اتصلت به و قلتله اني بصراحة تضايقت من موقف امس و ياليت ما تطلق مثل هذي التعليقات امام اهلك لانها تحرجني.. بس هو يشوف انه ما غلط و انه من حقه يقول اللي يريده و انه "مثل ما انا اعرف" انه يقول عن اي حد تزوج يا حظه!
و بعدين انقلب الموضوع و كأني انا الغلطانه وهو ما يقصد شي و اصلا هو نسى الموضوع و نسى تعليقه عليه!

يا بنات/
انت ما بتتضايقي لو زوجك تصرف نفس هالتصرف؟
و هل يرضيه هو لو انتي قلت اليوم ملكة فلانه ..يا اابختهاا؟
ام ان الموقف عادي لكن انا حساسة زيادة عن اللزوم؟

ملحوظة/ لا تقولولي المهم انت عارفة انه يحبك و واثقة من هذا ، لان بعض الكلمات تؤثر في الشخص غصب عنه و يجد صعوبة انه يتجاهلها!