عندي درس تجريبي في شرح أحرف الانجليزي يوم الاربعاء الله يسعدها اللي تقدر تفيدني

عزيزتي ما دام انه حرف واحد في حصة كامله فنوعي وسائلك اولا قدمي لهم الحرف اكتبيه لهم في فلاش كارد والافضل يكون ملون خليهم يرددونه جماعي وفردي الين يحفظوا شكله بالكابتل والسمول ساليهم اذا يعرفون اشياء تبدا بهذا الحرف وهم بيطلعون لك اسماء او كلمات هما عارفينها ثم دربيهم على كتابته على السبوره اولا ثنتين او ثلاثه ثم جيبي لهم شيت بيبر وصلحي بينهم زي المسابقه اللي تكتب اول ويكون خطها اجمل وصح وخليه على شكل ترتيب الاولى الثانيه وهكذا ثم جيبي لهم الامثله كلمتين او ثلاثه مع وسائلهم ريل اوبجكت او صور او انتي على كيفك وانا متاكده الدرس بيكون مره حلو والله يوفقك هذا رأي وما ادري اذا يناسبك مع اني مدرسة متوسط وثانوي درست في الابتدائي تقريبا حصتين وحلوين الابتدائي احس.

فكره الفلاش كارد وترديد الحرف حلوة مره

ممكن كمان تعرضين لهم صور عن هذا الحرف

يعني فلاش كارد فيه الحرف بالكابيتل والسمول وصورة حيوان مثلا بدايته الحرف اللي تعطينهم اياه

وتحت الصورة تكتبين اسم الحيوان وتكبرين الحرف اللي تعطينهم اياه

وممكن تكثرين من الصور هذي

يعني اكثر من فلاش كارد لنفس الحرف لكن صور مختلفه لأشياء من حياتنا اليوميه

شفتي كتب الاطفال اللي تعلم انجليزي..تباع بالمكتبات؟؟

تعلم الاطفال انجليزي

فيها الصورة كامله بتلوينها.وجنبها الصور بدون تلوين.. ممكن تنفعك في استخراج وسايل تعليميه مبسطه لهم

وسيله اخرى عملتها ابلة اولى ابتدائي...عشان تعرف الاطفال الاحرف العربيه

كل يوم تعطيهم حرف..تجيب الحرف مكتوب على فلين ومقصوص على حده

وتلبسه طربوش

وتقولهم رحبو بالحرف ( أ ) مثلا

وهم يصفقو ويرحبو به ويقولو ( اهلا بك ياحرف الف )

انتي ممكن انتي اللي ترحبين به مثلا..وتقولين قولوا له ويلكم

او تقدمينه لهم بطريقة اخرى مناسبة لك


وبعدين نهاية الدرس وزعي عليهم اوراق تلوين..فيها الحرف وجنبه صورة معينه

ممكن تطبعي صور مختلفه (بداية كلماتها الحرف اللي تدرسينهم اياه)..يعني 10 اوراق صورة وحده..و10 اوراق صورة ثانيه..وهكذا

وتطلبينهم يلونوها

والله راح ينبسطو كثير من التلوين




واذا تبغين زيادة فائده..ممكن تدخلين لـ سعودي انجليش وتسألينهم هناك

والله ييسر لك امرك

يعطيكم العافية استفدت كثير منكم..
وانتظر الباقي

وعليكم السلام ورحمة الله

اختي الفاضلة تابعي موضوعك هنا ,,

شاكرة للاخوات مساعدتهم ,,

تصدقين انا مثلك اتصلوا علي اليوم وقالوا تعالي اشرحي للابتدائي حرف مع وسائله

اللي محيرني هل اقدر استخدم اللغة العربية في الشرح يعني مو كله انجلش؟

اتوقع صعب عليهم كله انجلش
ماراح يفهمون والا؟؟