السلام عليكم
بدخل بالموضوع انا يابنات موظفه والحمد لله وباقي ماتزوجت بالرغم اني انخطب كثير قبل مااتوظف وبعد ماتوظفت وماصار نصيب جالسه عند اهلي ولاابخل عليهم بحاجه من فلوسي حتى اخواتي اعطيهم واحاسب عليهم اذا رحنا السوق واذا طلعت مع امي صرافتي تحاسب واذا طلعنا مطعم احاسب انا واذا طلعنا طلعه واحتجنا اغراض ادفع ,, مايطلب مني لكن ادفع بطيب خاطر واستمر الحال طبعي انا قنوعه واهلي مااقصر عليهم بالرغم وضعهم المادي عادي مو محتاجين وعندي اخواني كلهم موظفين بس تقدرون تقولون انا شايله الصرفيات حق البيت وودي نعيش بمستوى افضل من اللي كنا عليه وحتى السفريات انا اتحملها سفرياتنا مو كثير بس كذا مره وانا تحملت كامل مصاريفها اول ماتوظفت نزلت سلفيه لابوي وشريت لامي ذهب واعطي امي شهريا 500 ريال لها خاصه لصرفياتها وهذا من طيب خاطر مني محد طلب مني ابدا واقول بنفسي اهلي لو يبون عيوني اعطيهم وكنت عادي اقولهم كم راتبي وكم تجيني زيادات وكل شي يعرفونه ,, طبعا اذا جيت اعطي محد يردني ولاعمري سمعت احد يقول لا حقك ولا مو محتاجين ياخذون مايردون واستمر الحال لين بدت تجيني ضربات ايه ضربات وربي يابنات ماعاد احس لي قيمة الا بفلوسي اصارت فلوسي لعبه وصلت لدرجه ان خواتي يعايروني اني بخيله اذا قلت لهم لا على أي شغله يبونها وهي مو مناسبه (هذا وخواتي عندهم مكافئاتهم ) ويمدون لسانهم ولااحد يردعهم واذا شكيت لاهلي تجيني نظرات انه ايه خواتك صادقين ولاعمره احد تكلم وقال لا عيب هذي اختكم الكبيره وشايله البيت وماتقصر معنا ولا معكم ابدا ابدا يابنات وربي اني مااستمتع بفلوسي واي شئ اشتريه ماعمري خذيت زود على خواتي حاطه نفسي مثلهم ويستخدمون اغراضي عادي مااقول شئ بالعكس بداخلي ورب البيت مبسوطه بس ماشفت الا الجحدان والحرب النفسيه امي ماعمرها احترمتني اني بنتها الكبيره ومتعلمه وموظفه مافيه اهميه مثلي مثل الجدار سافرت امي شهرين للديره وانا شلت البيت على راسي بالرغم فيه ضغوطات ونفسيه زفت ومشاكل وابوي تعب وتحملت لما رجعت جيت اشكي لها حاجات بسيطه ياما اشياء اخبيها ولااعلم والله يابنات ماعبرتني في خاطري جلست بس قلت هذي الغاليه الله يلعن الشيطان انا ماازعل منها بس بنفسي تحز والله ومشت الايام وصلت لمرحله انا الصرافه اللي تمشي وتدفع انا خدامة البيت انا اللي لازم اتحمل كل شئ وبجحود محد عمره احد قال ايه فلانه الله يجزاها خير ماقصرت والكل عاجبه وضعي ويبي اكثر ,, وجاتني ضربه ورى ضربه لين صحيت على نفسي وقررت اتغير وربي كرهت اليوم اللي توظفت فيه صرت ماعاد اثق باحد اهلي وهم اهلي استغلوني بالرغم انهم مو محتاجين ابوي وامي اللي كنت اشوفهم شئ عظيم وامان وظهر لي خذلوني كثيييييير وجتني منهم مواقف وربي تحرق وتبكي قهر حسيت اني عايشه بوسط ناس من الشارع مب هلي بالرغم اني خارج البيت مع عملي ومجتمعي حقوقي محفوظه والاقي الاحترام والتقدير بس بالبيت لا ,, التغيير اتعبني كثير ابيهم يفهمون هذي فلوسي وانا اعطي من طيب خاطر محد له شئ عندي وانا اذا سامحت او تغاضيت فهذا شئ حلو ويقوي علاقتنا ببعض مو غباء مني بس مع الاسف ,, امي زادت في تجاهلها لي والله يابنات تهتم بخواتي وتدلعهم وهم والله مايريحونها ولسينهم طويله وانا ولا كاني موجوده الا اذا بتجاملني معامله عنصريه ابوي يحاول يفهمني اني غبيه (والديني يشوفون بري فيهم وسكوتي عن اذاهم وصبري ومعاملتي لهم غيرعن خواني انه سذاجه واني غبيه ) تعبت كثير بديت اخسر اشياء احبها بحياتي صرت بس بموقف دفاعي ضد الهجمات والله ماابالغ اذا جيت بستمتع بحياتي وبفلوسي بحس اني عندي راتب والله مااتهنى مشاكل بمشاكل مايمر يوم الا ويضيق صدري مااقدر اذا طلعنا اقول هذا الشئ خاص فيني لانه خلاص بيصير لي اقصاء عنصري وربي تعبت تعبت حيل والله تصير اشياء ويجلس رأيي بخاطري مااقوله لان لو قلته محد بيعبره و بينتقدونه انتقاد جارح وممكن ينغلط علي من اخواني بالفاظ وعادي الوضع عند اهلي فاقول السكوت ارحم من الاذى اللي بيجيني ,,, قلت لكم جانب بسيط طبعا حياتي ماانكر انه فيه اشياء كويسه فيها بس والله منغصاتها اكثر الغرض ان مو كل موظفه وماتزوجت مرتاحه لا والله ابدا ابدا اني ساعات افكر استقيل واجلس بلاراتب ولا يكون عندي راتب يخسرني اشياء كثيره بحياتي
قطف الندى @ktf_alnd
عضوة جديدة
يلزم عليك تسجيل الدخول أولًا لكتابة تعليق.
فكرة كفالة يتيم رائعه من رايقة الفكر. و حتى الموظفات يتم استغلالهن من قبل الأزواج و أمك تحمليها الغالية بس الاخوان والأخوات منذ البداية كان حطيتي ضوابط لهم اي شيء يخالف الشرع لا تشتريه و لو طلبوا يجون يقولوا لو سمحتي و لو حابة تتزوجي ادعي الله سبحانه قادر على كل شيء
انتي عودتيهم تكوني الصرافة
ارخصوكي وارخصو فلوسك
امسكي نفسك شوية حتى فالطلعات امسكي نفسك مو شر تطلعين معاهم
ماقولك لاتوقفين مع اهلك بس لازم تفكرين بمشروع او بارض او حساب سري تجمعين فيه نص راتبك او ثلاث ارباعه
ارخصوكي وارخصو فلوسك
امسكي نفسك شوية حتى فالطلعات امسكي نفسك مو شر تطلعين معاهم
ماقولك لاتوقفين مع اهلك بس لازم تفكرين بمشروع او بارض او حساب سري تجمعين فيه نص راتبك او ثلاث ارباعه
الصفحة الأخيرة
في قولك ان مو كل موظفه وماتزوجت مرتاحه
ونفسي شيئ اقولك ماهوكل متزوجة وماهي موظفه مرتاحة
الراحة تنبع من داخل النفس بالرضا والقناعة وحب البذل دون من اوانتظارشكر
وحاولي بماانك موظفة ان تكفلي يتيم اواثنين ويفضل ان يكون بسر راح تتغيرحياتك باذن الله
فكفالة اليتيم سبب للبركة والسعادة وقضاء الحوائج وربماتتزوجين بسبب ذالك
لان كثيرممن حرمواالذريه كفلواايتام ورزقوابذريه