عندي زوجي تعبان من البرد ومافاد علاج المسشفى

عادي يكوي كعب الرجل بملعقة او عود من الحطب انا اسوي كذا بس ع خفيف مو لازم قوه
يدهن جسمه بزيت زيتون دافي و يلبس ملابس ثقيله و لا يطلع في الهواء و البرد لكم ساعة بعد الزيت و ان شاء الله يخف

ما اعرف بسوالف الكي
لكن بخصوص ألم الصدر صعب نعرف وش اللي فيه لان في اسباب كثير
هل هو ألم بالعضله بسبب حركه خطأ او ضربه
أو ألم اذا تنفس وكح مع صعوبه بالتنفس وحراره بسبب التهاب في الشعب الهوائيه
وحتى مكان الألم بالتحديد اذا بالنص او اليمين او اليسار او تحت الصدر او فوقه كلها تفرق
فلا تجازفين بالكي على الفاضي عالجي الجسم من داخل بالتغذيه والمشروبات وقوي مناعته عشان يتعافى

الصباح اغلي كوب حليب مع ملعقه صغيره كركم ورشة فلفل اسود وارفعيه عن النار وحليه بملعقه عسل وخليه يشربه
وبالليل قبل النوم بساعه او ساعتين خليه ياكل فصين ثوم مفروم ممزوج بزبادي
وخليه ياخذ فيتامين سي مره باليوم سواء الفوار او ثمرتين كيوي او عصير ليمونتين على نص كوب ماء
وخليه يكثر شرب السوائل الدافيه مثل شوربة مرق عظام الدجاج او عظام اللحوم بالخضار وطريقته الصحيحه حطي عظام الدجاج المسحب من اللحوم بقدر الضغط وغطيه بالماء واضيفي جزره مقطعه واعواد كزبره وكرفس وبهارات صحيحه اللي متوفر عندك ويناسب ذوقك مثل اعواد قرفه ورق غار فلفل اسود حب ومقدار غطاء خل تفاح وملح بحري واكتميه اقل شي ساعه ونص الى ساعتين عشان العظم يطلع الفوايد والمواد الجيلاتينيه والكولاجين والمعادن اللي فيه هي اللي تعالج الجسم صح وتقدرين تحفظين المرق بعلب زجاج بعد مايبرد وكل يوم تطلعين منه مقدار كوبين وتسخنينه عشان يذوب وتضيفين له اما شوي خضار او قليل شعيريه وتقدمينه كشوربه ساخنه
لان هذي الشوربه اذا بردت بالثلاجه بتلاحظين انه بيتحول الى متماسك شوي لان مثل ماوضحت العظم طلع الكولاجين الطبيعي اللي بداخله وسحب معاه كل الفوايد اللي بالعظام
وخليه يبعد عن الروايح القويه اللي تهيج الصدر سواء عطور او دخان او غبار او البروده القويه
ويحاول قد مايقدر يرتاح ومايطلع من البيت الا للضروره ويلبس ثقيل

بخصوص وجع العظام بالشتاء غالباً سببه نقص فيتامين د
اذا اخذ فيتامين د بيلاحظ انه يختفي الالم خلال ايام قليله

سبحان الله و بحمده