اختي ما عرفنا وين الاصلي وين التقليد...........كل وحده ادش وتقول اللي عندها هو الاصلي وعقب تلقينه عند البنات نفس الشي وبس باسعار مختلفه...غناتي في بعضضضضضضضضضضض البنات همهم التجاره تبا تبيع اللي عندها ما يهم يكون تقليد او من عند منو او احط هالبضاعه من عن فلان او علان عشان ينباع المهم انها باعت البضاعه واستلمت ...
اللي تخاف الله بتحاسب نفسها عن كلمة تقولها او تكتبه ... والله يبعدنا عن هالنوعيات..اللي تقول انا وبس...

مرحبااااااااااااااااا

اتربحن الاجنبي ولا تربحن بنت بلادكن

الحين راعي المحل تاخذون من عنده لو كان غالي .......على قولتكن اجار المحل والكهرب

والعمال وحليله ......... والباقي خله حقك

انزين البنت اللي في المنتدى اذا عرضته بسعره العادي قلتن غاااااالي عندها بندور

ارخص .............. مادري تبغنه ببلاش ؟؟؟

موضووووووووووووع حلو ومحتاج قعدة طويلة
الموضوع مب سالفة غالي ورخيص...الموضوع اذا زاد العرض قل الطلب
500 وحدة تبيع مكياج
500 وحدة تبيع زيت للشعر
500 وحدة تبيع عطور ودخون
500 وحدة تبيع كريمات
500 وحدة تبيع تونك للشعر
500 وحدة تبيع ساعات وشنط اصلي وتقليد
500 وحدة تبيع كريم مسكن الالم عند ازالة الشعر
و500 و500 و500 فتكدست البضاعة في دكان المنتدى ومب محصلين احد ياخذها

اذا كان السعر غالي او رخيص احيانا تفرق
اذا عني اسعاري جدا معقولة ومافيها اصلي وتقليد عطور وانا اخلطها ولوشنات معطرة ودخون ومع جيه ما عليها اقبال في المنتدى يمكن لاني ما انزل مواضيع بطريقة مشوقة يمكن لاني تاجرة فاشلة ومكتفية اني ابيع على اهلي والمعارف
رغم اني احاول ما اخسر البنات ثمن التوصيل وثمن التحويل وادور اي مكان قريب احط لهم الاغراض فيه..واللي تعاملن وياي يعرفن هذا الشي

لكن ان شاء الله بشد حيلي وبنزل موضوع عن بضاعتي وبنجرب

بصراحة موضوع جداً مميز

لأني أنا كنت ناوية أنزل موضوع اليوم عن اللي صاير في المنتدى بصراحة صاير ملـــــــــــــــــل

صرت أحس بملل ومش متل قبل كنت ما أصدق متى أدخل المنتدى

المواضيع مملة والبضاعة مملة والمشاكل كثيرة والتاجرات صايرين ناطرين بعض على كف عفريت عشان يسوون مشاكل

بس حبيت أعلق بالنسبة لموضوعك حبوبة مش كل شي رخيص يكون ما يسوا بس تعرفين المنتدى اختلف عن قبل أحس الزباين مش قصة هذا غالي وهذا رخيص 000 المنتدى ما عاد فيه أمان متل قبل من كتر المشاكل على العام بين البنات 000 صارت التاجرات تبي تاكل بعضها وهذي تبيع متل بضاعتي وهذيك تغش وهالسوالف 000 طيب كبنات زبونات يدخلون جداد على المنتدى كيف تريدينهم يضمنون حقوقهم ، كيف يأمنون للتاجرات، كيف يعرفون هذا زين وهذا شين؟؟؟؟؟؟؟؟؟ 000 صارت الوحدة تخاف 0000 وما تعرف من مين تطلب

طيب إنتي لاحظي هل بعد ما نزلت أسعار البضاعة هني في المنتدى أياً كانت صار عليها إقبال؟؟؟؟؟؟؟؟؟؟؟؟؟؟؟
لألألألألألألألألألألألألألألألألألألألألألألألأ بالعكس ما في هي هي ما في فرق تدرين ليش لأنه مش السبب الأسعار في سبب ثاني

هذا من تجربتي طيب نزلنا الأسعار والبضاعة الكواليتي تاعها ممتاز وووووووووووين الزباين مافي؟!!!!!!!!!!!!!!

لازم نجتمع مع بعض التاجرات كلنا يد وحدة عشان نحل هذا الموضوع

نسيت أذكر شي بعد 000 تاجرات المنتدى صارو ينزلون مواضيع كتيرة بنفس اليوم أو يومياً موضوع شوفي الصفحة الأولى تدخلين عليها تلاقين كلها نفس اسم التاجرة تقولين صارت المنتدى كله عروض لأ ويكون نفس المنتج متكرر بكل موضوع طيب ليش ما تجمع التاجرة كل مواضيعها في موضوع واااااااااااااااااااااااااااحد؟؟؟؟؟؟؟؟؟؟؟؟؟؟؟؟؟؟

والله مشكلة

الغالية الرخيص له زباينة، ومو عيب، والغالي له زباينه والواحدة شي طبيعي تتشكك في البضاعة الغالية أكثر لأنها باتدفع شي وشويات...

ومن ناحية الماكياج، الواحدة ما باتييب مثلاً ماكياج باريس غاليري واتبيعه بزيادة (علشان تبرهن النظرية اللي طرحتيها) أكيد باتييب من الماكياج اللي له أقبال وباتبيعه...والواحدة لو باتييب ماكياج مو معروف وباتبيعه غالي، بحجة أنه سينمائي ولا عالمي، وهو أسم أول مرة ينطرح...الوحدة باتقول أسير باريس غاليري آخذ ولا أخذ هالماركة اللي ما أعرفها...

وبعض الناس أمكانياتهم ما تسمح للشي الغالي... وبعض البنات بصراحة يبالغون في الغلا...وهي واله ولا تسوى، وأنا عندي أمثلة عن شغلات وايد أشتريتها غالية والله ولا تسوى...

أما الرخيص حتى لو اشتريتيه تراج ما بتتحسفين عليه شرات الغالي...

والرزق على الله مو على الناس، ترا أذا في رزق مكتوب لصحابه بيكون من نصيبه، والحين موسم أعراس وسفر وامتحانات...يعني ماحد فاضي للنت وايد....

والله كريم...