عندي سؤال ..

شوفي حبيبتي ...
الشاي الأخضر بتلقينه في كل مكان ... يعني مثلا روحي السوبر ماركت .. بتشوفين مكان الي بيعون الشاي ... في عدة أنواع .. من كل نوع في أحمر و اخضر.. و نصيحة انش تشترين شاي الأخضر مال شركة الوزة ... وايد مرتاحة منه...

أما المرامية .. بتلقينه عند الحواج ,, بس قولي له مرامية بيعطيش .. و هم شكلهم على أوراق صغار ..

تحيتي ..

مشكووووووووره حبيبتي وتسلمين ..

الحواج هو راعي العطار .. يعني مالاعشاب صح ..؟

وكيف يستخدموونه ؟؟ وهل هو مفيد ؟؟

والسموحه مره ثانيه عيوني ..

اي أختي ... الحواج هو تقريبا العطار ..

صراحة أنا ما جربتها ... بس في بنات كثير في المنتدى جربوها .. و قالوا عن فايدتها .. و على حسب كلامهم انها تضعف ..

أما بالنسبة لاستخدامها.. الي اعرفه... انش تحطين ملعقة متوسطة من الورق في كوب و بعدين تغلين الماي و عقب ما يغلى تحطينه فوق الورق ((في الكوب )).. و تالي تغطينه الين ما يبرد >> هالنقطة مهمة لأن اذا ما غطيتيه تتطاير فوائدها في الهواء ..
و ما يصير تغلين الورق مع الماي مرة وحدة .. لأ لأن بعد فايدته تروح ..

و ان شاء الله الي عندهم خبرة أكثر .. او الي جربوها يردون عليش :)..

هلا حور دبي :26:

حياج الله معانا ويارب تستفيدين ...

الشاي الاخضر تحصلينه في السوبر ماركت وحتى المرميه

وجربي اخلطيهم مع بعض النتيجه حلوة

ـــــــــــــ
:27:

هلا اختي حور دبي :26:

الشاي الاخضر والمريميه بتحصلينهم في الجمعيه انا اخذ الي على شكل اكياس الشاي وفيه وايد انواع فيه نعناع بعد
واحسه انظف واسرع

اغلي ماي حار واخذ حبه من كل نوع ( الشاي الاخضر+نعناع+مريميه) واحطهم في الدله واصب الماي واخليه 15 دقيقه واشرب منه من 2-3 مرات في اليوم وانشاء الله ييب نتيجه :27:
طبعا مع الرجيم والرياضه :23: