عندي سؤال عن الاستخاره ..

السلام عليكم ورحمه الله وبركاته

بنات ابي اسألكم عن الاستخاره .
الحين انا قاعده اعالج عشان مشكله الحمل . الشهر اللي طاف عالجت . وزوجي صارت له مشاكل صحيه ودخل اسبوع كامل المستشفى . و ما صار عمليه جماع . فعلاجي راح على الفاضي و كل فلوسي اللي دفعتها راحت على الفاضي . ( لاني اعالج في مستشفى خاص و انتم تعرفون تكاليف العلاج في الخاص )
المهم الشهر هذا من بدايه الشهر قبل ما انوي العلاج . قلت استخير . وبالفعل استخرت
مره و اثنين و ثلاث و اربع . بعدين جت لي الدوره . وما شفت اثر لاستخارتي . ما عرفت شنو اسوي ؟

رفيجه لي قالت لي تحلمين بالشي اللي استخرتي له . او انه يتحقق بسهوله .

ما ادري . صديقاتي قالوا لا تعالجين الشهر هذا . بس قلبي مو مطاوعني . قلت مستحيل .
و بالفعل من اول شهر 11 لما جت لي الدوره رحت و طقيت ابر . و ما نفعت الابر . و زودت لي الطبيبه الابر و الحمد الله .
و الحين ناطره الدوره على 22/11

بنات شنو تنصحوني الحين ... شسوي ؟
خاصه بموضوع الاستخاره . انا استخرت عشان العلاج . بس ما حسيت بشي جديد ولا طرأ على حياتي شي جديد و ما حلمت بحلم يقول لي ( اعالج او اوقف العلاج ) بالعكس حسيت ان الشهر هذا العلاج ماشي معاي . يمكن تكون استخارتي غلط .. ؟؟
ممكن تفهموني وشكرا