عندي سؤال عن الحمص

اهلين عزيزتي
شوفي انت عم تكتبي الموضوع واناوراك على طول

قصدك بالحمص النخي يعني ني ....:25:

انا ما بستعمل إلا الني وطريقته كالتالي :
بده نقع طبعا من قبل بيوم ولو المسا نقعتيه وبدك الصبح تسلقيه بيمشي الحال .

شوفي بجيب طنجرة كبيرة وبحط فيها الحمص المطلوب اليابس وبعدين بعبيها مي لفوق وبشعل النار تحتها لحتى تبلش تغلي بطفيه وما بخليها تغلي وكلما تبرد الطنجرة بحاول سخن المي مو ضوروري بس احسن

وإذا عندك قلي حطيله ربع معلقة بساعد على نضجها وطراوتها اكتر وإذا ما عندك معلش بيكربونات الصوديوم بتشتغل كمان
بس لما بدك تسلقي الحمص لازم تغسليه من ميته القديمة يعني حطيه بمصفاية وغسليه وحطيله مي جديدة وخاصة مع القلي فهو مو مفيد بيعمل نفخة بالبطن

وبعدين سلقه بالطنجرة العادية بياخد ساعتين أو أكتر شوي بس على أقل من الوسط مشان يستوي مظبوط
أنا كنت اسلقه بالبخار ياخد معي ساعة ونص بس يطلع فارط
وآخر مرة كانت الطنجرة رح تنفجر لولا رحمة ربك بس صارت مرقة الحمص على السقف والخزاين والموكيت وطاولة السفرة عم قلك شي مو معقول
وما عاد استعملها ابدا
بتعرفي ليش هي خطرة بسلق البقول :
لان لما يستوي الحمص او الفول بيطلع القشر تبعه وبيسد المنفذ تبع الطنجرة ولذلك بصير هيك ....
انا دائما بسلق حمص وفول على ايدي وما بحب تبع العلب
بس شغل كتير والله بعين

هي اجابتي اجت طويلة عريضة
شو رأيك ......

سلام

الله يعطيكي الف الف عافيه والله كفيتي ووفيتي

بس عندي سؤال صغير

يعني لازم بيكربونات الصوديوم ما بيمشي الحال بلاه؟

انبلى بيمشي الحال بس بدك تزيدي كمية السلق لان متل ما قلتلك القلي بساعدها على الطراوة بسرعة اكتر وبسويها اكتر
بس ممكن انت تطولي بالك وتسلقيهم على نار معتدلة مدة طويلة

يعني باختصار هالمادة بتختصرلك الوقت
واذا ما في منها معلش

عزيزتي فتاه سوريه
انا اضع م.ك من البكينج باودر فوق حب النخي مع ماء دافئ
واتركه مدة 4 ساعات وبعدين اطبخه وياخذ نصف ساعه وينضج
ويكن على نار هاديه
ملاحظه:يجب ان يغسل جيد من البيكنج باودر قبل الطبخ
وطريقه اخرى بدل البكنج باودر ضعي زنجبيل طازج مدقوق
وينفش النخي ويصبح رهيب وانا دائما هذي طريقتي
اذا في استفسار انا حاضره

شكرا جزيلا لكم لقد استفدت كثيرا
فجزاكم الله خيرا