عندي سؤال محيرني!!!!!!!!!! أبي أعرف السر !!!!

السلام عليكم ورحمة الله وبركاته

بدخل بالموضوع مباشره

ودي أعرف... في بعض الحريم .. إذا احملوا .. ما يزيدون إلا الزياده الطبيعيه وهي بين 10 إلى 15 أو 17 كيلو
طيب... يشلون يسيطرون على شهيتهم .. ؟؟؟؟
وحتى اللي يزيدون زياده فوق الطبيعية.... تلاقينهم بعد 6 شهور من ولادتهم ..رجعوا إلى وزنهم الطبيعي....؟؟؟

بالنسبه لي .... قبل الحمل بطفلي الأول كان وزني 68 كيلو
وزاد زياده فظيعه .. يوم ولادتي كان وزني 104 ... مع إن ولدي كان وزنه 2.9
وبعد الولاده (نزلت 10 كيلو ) وبالنفاس نزلت 5

وحملت بعد 6 شهور بطفلي الثاني
وحاولت إني ما ازيد.. طبعا حملت على نفس الوزن او بالضبط كنت بين 90 و 92
ويوم الولاده كان 107 كيلو...
أدري منبهرين من الاوزان اللي حاطتها ... هاهاهاها
المهم من ولدت وانا رجيم والحين ولدي كمل سنه وانا وزني 83 كيلو

الحين السؤال المهم....ابي أعرف السر باسترداد الرشاقه بعد الولاده
اللي ينطبق عليها هذا الوصف.. ياليت تفيدنا .....
والله ما راح نحسدج :42:

بعض المحاولات اللي سويتها.. وما فادت
1-بعد ولادتي الاولى(سويت رجيم اسامة حمدي خاص بالولاده) ،نزلت 5 كيلو (وصار فيني فقر دم+ المراره)
2-بعد ولادتي الثانيه(رحت للأخصائيه وجدان )نزلت 3 كيلو ب3 شهور(طبعا احبطت وفلست)
3- وبعدها (سويت رجيم لمده شهرين تقريبا ماخذته من مجله أجنبيه بنت خالت نزلت عليه 10 وانا نزلت 4 كيلو فقط
4- قررت أروح عياده التغذيه(مجانا)4 كيلو بشهرين+ رياضه المشي+ سباحه
5-دخل رمضان وخربت كل شي مع إن الاخصائيه عطتني نظام لرمضان بس ولا فكرت أسويه
6-أمس بدأت رجيم أندومي (مع إني ضد الرجيمات الكيميائيه لأنها إهي اللي خربت جسمي وماقمت أنزل بسهوله) بس شسوي أغروني البنات وقلت يمكن انزل عليه 6 كيلو وبعدين أكمل مع أخصائيتي
7- مشكورين على الوقت اللي قريتوا فيه موضوعي