عندي سالفه تموت ضحك جارتي بتدخل بيتي غصب عني

:arb::arb:يا حبيباتي ذي قصتي اليوم صارت معي -أنا لوسمعتها من احد مابصدقه بس ممكن اشوفها في فيلم كوميدي وبعد بقول بالغوا

أنا ساكنه منطقه راقيه جدآ مالي فيها إلا 6شهور وطبعآ بعمارة وفي الدور الأرضي وميزتها لها حوش مع المطبخ وجيراني فيلا بجنب العماره يجمعهم بي جدار الحوش بس ومن فتره وعيالهم يرمون بالكره واحنا مانردها لهم عقابآ حتى مايتعودونها حتى كثرت الكور في بيتي /اليوم العصر عيال هالبيت طلبوا كورهم وأنا زوجه ماكسر كلام زوجي من ورى الباب قلتلهم صاحب البيت ماهو موجود الساعه 8 بعد الصلاة تعالوا طبعآ ردي :22:ماعجبهم
:30: وخطر على بالهم فكره الطلب من خادمتهم التصرف بأخذ درج ومده على حوشنا طبعآ حسيت بصوتهم ففتحت نافذة المطبخ وطلبت من العيال الرجوع وعيب عليكم وبلغ ماما بحركتك :angry2:
ماكذب خبر وكأنه راح يناديها قد رحت اهتم في بيتي شوي جرس الباب عندي يدق بإصرار وعدم توقف :eek:
طبعآ لن افتح الباب لشخص لا اعرفه فما بالكم بوحده صارت تضرب الباب بيدها بكل قوه مما جعلني اخبر زوجي بإتصال هاتفي سريع عله يسمح لي بتصرف معين ورد علي بأنه في طريقه لي والله والله ماتصدقون وش صار بعدها (طبعآ لا انسى أقولكم أن المرة الأولى سواق الجيران وقف على سور الحوش والمره الثالثه عيالهم والمره الرابعه خادمتهم وبصراحه كأنه ممشى الجيران على سور حوشنا )المهم ختمتها الأم نعم الأم بعباءتها ونقابها اعتلت السور ورمت في حوشنا سلم بتنزل به لبيتنا تآخذ الكور طبعآ دخل زوجي وشاف الحرمه واقفه على السور ومش عاجبها واتهمتني بقلة احترامي لها با ااااااااااااااااااااااااااااا ناس أنا مش قادره أعرف ولا استوعب الموقف لما الحين ومندهشه بس الأكيد أنها جاهله جدآ بتصرفها تخيلوا لوطلبت الشرطه لها وبلغت بوجود حرامي في بيتي أو حذفتها بشي ظنآ مني أنها جني باللـــــــــــــــــــــــــــــــــــــــه أبغى ردكم وتعليقكم على الموقف