عندي سالفه وياليت اللي جابن ولد بعد بنات يدخلن ويعطوني خبرتهم

بسم الله الرحمن الرحيم

الموضوع ومافيه ان شاءالله ربي يتمملي على خير وبجيب ولد بعد ثلاث بنات
مشكلتي ببنتي الكبيره ام سبع سنوات
ماشاءالله تبارك الله ذكيه ومايفوتها شي
ذكائها اكثر شي بالخنثره هههههه والهرج الفاضي وكثرة الاسئله
غثتني تبي اخووو والحمدلله ربي رزقنا يارب لك الحمد
قبل كم يوم قالتلي ياماما ذحين الولد كيف بتلبسينه الحفاظه وعنده حاجه طويله ليش ماهو زينا
طبعا غيرت السالفه بسرعه بدون ماتحس
وماعادت سألت
لاني بكل صراحه سؤالها صدمني وماعرفت اجاوب
ومو عارفه لاجبت اخوها الظاهر بتقابله صاحي نااايم
وش اقول لها
شايله هم تشوف شي
وماني عارفه بنتي كيف عرفت هالنقطه
هل لمحت واحد من عيال اخواتي الصغار مع ان اخواتي حريصات لكن الطفل عنده فضول
وبنتي فضولها عجيب
تكفووون نصايحكم وش الحل
انا ماقلتلها بجيب لك اخو قلتلها لسه ماعرفت
قالت لاتقولين بتجيبين بنت مابغاها قولي للدكتوره اني ابغا ولد
البنات طفشوني مايفهموني ابي اخ الاعبه واهتم فيه وبكره يكبر زي بابا ويوديني المدرسه والجامعه
هههههههه مدري من وين هالتفكير تجيبه
الله يصلحها ويهديها قولو امين