عندي سنع لو يوزع على حريم المنتدى غرقهم ...واتفضلوا استفيدو

:icon28: حبيباتي القمورات ....
هذا أول موضوع لي في منتداكم الحلو ....
كنت متابعة ....والآن سجلت ...
ماأطول عليكم تبغون تعرفون بعض أسرار ندارتي ..وسناعتي طبعا ...
أنا ياحلوات أعطاني ربي النشاط ولله الحمد ...يعني ماني كسولة ..مع ان أمي يوم كنت صغيرة تسميني ( زبيل النوم )
بس تغيرت بعدين ...المهم ياعسولات ..إني أكرف بالمدرسة كرف الويل ..ودائما ولله الحمد ألاقي كل تقدير من مشرفاتي ومديرتي وزميلاتي ...وإذا جيت للبيت هات ياكرف ...وتطير عيوني براس هامتي إذا عزمني أحد قلت له مشغولة ..قال لي ( وش عندك ..الله اكبر ..يابيل جيتس ):09:
ليه الناس يستخفون بمشاغلي لها الدرجة ...
المهم ...طريقة كرفي كانت كالتالي ( أي والله كتّالي ) ...يركبني عفريت النشاط بعد العصر ..أقوم أنظف المطبخ وبالمرة أجهز مقادير حلا ...واطلع الحمام أكرمكم الله أشبك غسالتي اليدوية ..وأنشر الغسيل في الصالون قدام الحمام عشان أفرزه ...وأفتح دولابي مايعجبني ترتيب أغراضي ..:42:..أنزل الجمل بما حمل على الأرض وأبدأ أرتب
يجي أبو العيال ( عاد ترى مالنا إلا ولد واحد ..بس أنا أصلا معرسة ..عشان إذا سولفت أقول مثل الحريم ..جاء أبو عيالي وراح أبو عيالي )...نهايته .....
يجي زوجي مشتهي بسلامته عشاه بيتزا ...طيران يالهلوبة ..حطي البصل مع الزيت على النار ..أروح أشوف الغسالة الي طفت ..واغير الموية ..إلا (سنيف ...سنيف ) ريحة شي ..إيه ..هذولا الجيران المهملين ..الله يهديهم ...خلصت غسيلي ...طلعت من الحمام ..والا الصالة...اللهم ياكافي ...عجاجة وحدة ..إلا بصيلاتي محترقات ...وماله أجهز كشنة ثانية ..واخبط العجينة ..وانسى الغسيل ...ويصيح الولد ...واروح أشوف وش يبغى ......أشوف الحفلة الي أناكبيت على الأرض أول العصر ..وهي أغراض الدولاب أبدأ أرتب الدولاب و...( سنيف سنيف ) مرة أخرى البيتزا تحترق
يآآآآآآآآآآآآآآآآآآآآآآآآآآآآآآآآآآآآآآآآآآلله ....أسوي ساندويتشات ...يتعشى زوجي ..الله يخلف عليه ...أدخل غرفة الملابس والا.. الأغراض الي كبيت على الأرض ماكملت نسقهم وترتيبهم ..والملابس الي تبغى غسيل ماكملت ...منشورة قدام الحمام ( ياويلكم وحدة تضحك ..والا تشمت ..آدي ربنا وادي حكمته )
خلاص جات الساعة 12 وحيلي مهدود ...أروح انام والبيت كله عفيسة وأنا في غاية الإحباط لأني ماصلحت شي ..لا ولما أصحى الصباح أكتشف إني ناسية بعض الملابس بالنشاف ..وريحة الرطوبة عليها ..ياساترررررررررررر....مايروحها لو تقعد بالشمس مليون سنة ضوئية .....
واحتار ...ليه أنا رغم تعبي ماأطلع بنتيجة ...لا وازيدكم من الشعر قصيدتين ..أنا آخر من تسلم أعمالها وسجلاتها في المدرسة ....
وتظل عيوني طايرة ..ليه أنا لهلوبة ..وفزاعة ..ونشمية ...( مدح الروح سماجة ...لكن هذا الوضع الظاهري لي ..والله إن بعض صاحباتي يسموني أم السنع ..مايدرون بالمستخبي ....:eek:
المهم كانت هالنقطة ضايقتني كثيييييييير ..خلتني أفكر كثير وين الخلل ....
كنت كثيييير أدعي بسجودي لما أضيق من نفسي ..( اللهم أعني على أداء عملي على الوجه الذي يرضيك عني ..وخلصني من الكسل والتسويف ) كنت أعتقد إن المشكلة كسل ..لأنه ساعات يجيني إحساس بالكسل من كثرة تفكيري بالأعمال الي ورا ظهري ....
كنت متأكدة إن ربي راح ياخذ بيدي ...بس كييييف ؟ يمكن تجيني شغالة ...كل شي ممتع أجلته لحد ماأصير فاضية وماعندي شغل ..لكن للأسف هاليوم ماجاء......
لين ربي فتح علي مرة ..جالسة مع بعض قريباتي ..ونحكي عن هموم البيت ...قلت لهم : أنا شغلي مايخلص ..ومستحيل أنام ليلة وأنا مرتاحة ...
سألوني ليه ؟؟؟؟؟
أعطيتهم مثل ..كنت جاية من سفر عشان موعدي في المستشفى ..وبعده على طول جايه أقضي العيد عند أهلي ..وطبعا يبغى لي أفرز ملابسي وملابس ولدي ...وارتب غرفة الملابس ..واجهز ملابس العيد ..والملابس الإضافية مع ملحقاتها ...وضاع علي الوقت وانا ماسويت المطلوب ..وجيت وغرفة الملابس فوضى ..وأنا مارتبت لبسي ولبس البيبي مضبوط ...
قالت لي وحدة منهم .. الله يفتح عليها ويبارك لها ..وينور عليها قبرها ..: طبعا راح تصير الفوضى هذي كلها لأنك جلست تسوين ثلاث أعمال بوقت واحد...تبغين تصفين الشنط ..وترتبين ملابس السفر الي كانت فيها ..وتجهزين شنطة العيد ...وترتبين الغرفة في وقت واحد ....لازم تركزين على مهمة وحدة ..خلصتيها تبدأين بالثانية ,,وهكذا
زوء ....زوء ...زوء ...زوء .....يادلخييييييييييييييييييييييييي... والله ياأنا غبية بقوة ...هذا هو السر ببساطة ...يمكن تضحكون , بس أنا فعلا عندي نقطة عمياء ماقدرت أشوفها ..لكن الي يلاحظني ..راح يشوف هالنقطة بقوة ....
للآلآلآلآلآلآلآلآلآلآلآلآلآلآلآلآلآلآلآلآلآلآلآلآلآلآلآلآ .....والمضحك في هالجلسة إن طلع لي ربع واجد ...زي حالتي ...
المهم ..من يومها استغنيت عن هالسنع المصطنع الي ماله داعي ...بديت أركز أكثر في عملي ..أأدي مهمة وحدة أو مهمتين بالكثير في وقت واحد ...فعلا بديت أنجز ...أعرف شي أسمه وقت فراغ ..أقدر أقول بملي فمي ( لا والله أنا اليوم فاضية ماعندي شغل ) ...
صرت أستمتع بقهوتي بقعداتي .....
وادعي ربي دايما لقريبتي الي عدلت من وضعي 180 درجة بعبارة بسيطة ...
شفتوا كيف الواحد ممكن يكسب أجر في الناس من دون مايدري:42: