عندي عزومه تكفون ساعدووني ؟؟؟

الله يعينك...ويسهلك...واحتسبي الاجر..
والله ترى انا مااعرف اسوي شي..
بس حبيت اساعدك..
سوي الكرسون..والبيتزا..وساندويشتات شاورما دجاج..
وانا مرة تعجبني سهله وطعمه..والله الله زوجك لازم يساعدك ..,وبعد هو يغسل الاواني معاكي..
وطبعا الشوربه والمقليه والسمبوسه..
فرزني السمبوسه والكروسون والبيتزا..وبعد الشاورما..
اكتبلك طريقتها,,
دجاج تسلقيها...واذا مافي وقت,,اشتري جاهزه..ونتفيها..وع طاوله البيض..مع شوي زيت..وفلفل رومي..وكمون وملح....
وعيش لبناني الخفيف..قطعي مثلثاااات..واقسميها عن بعض..طبقه وحده وادهني شوي مايونيز..وحطي الدجاج..عليها..ولو عندك طحينه حطي شويشوي..بس انا مااحط..
ولفي العيش..وبعدين لفي باالقصدير..
ولاتنسي سلطه الفاكهه..
وسوي كيكه مالحه...عيش توست..قطعي اطرافه...شوفي حبيبتي انا مره عملته..لعزومة زوجي ..بس سويت باالحبه احسن..
شوفي..تجيبي التوست 1قطعي اطرافه..وحطي بصحن التقديم العادي...الدائري..وادهني باالمايونيز..وجيبي التونه..وحطيها على التوست..وارجعي ادهن توست..وحطي ع التونه..وجيبي لبن زبادي...وغطي التوست كله..من الجوانب..وابشري خيار..وحطي من الجوانب..بس ومن فوق حطي طماطم او جزر..شكليها على كيفك..مثلا تخليها مثل الهديه..
او فلونكه..
اتمنى اكون ساعدتك..
واسفه على الاطاله
بس والله حاسه فيك..لان زوجي كل سنه الله يحفظه يسوي فطره لااصحابه..
الله يعينك..
ادعي ربك يعينك..

شوفي حبيبتي ممكن تعملي سمبوسة عدة حشوات وكنوع من التغيير بدل السبرينغ رول اعملي مسخن واوزي لفيها بعجينة السبرينغ رول وفرزنيهم واعملي متبل عادي وبالخضار وحمص ومحمرة وبطاطس مقلية وخففي المعجنات لانو الناس ملت منهم من اول رمضان وسوي نوعين سلطة وممكن تعملي موالح بعجينة البف تقطعيها مربعات صغيرة وتدهنيها بيض وترشي عليها اما سمسم او زعتر او سماق او حبة سوداوتدخليها الفرن تخبزيها ولما تبرد تعبيها بعلبة وتسكريها منيح وتفرزنيها وممكن تحضري كنافة بقوالب الكب كيك بانك تحطي نايلون بالقالب وترصي فيها الكنافة وتحشيها وتكون جاهزة للخبز ما تخبزيها دخليها الفريزر بس حتى تجمد شيليها من القوالب وصفيها بالصينية وغطيهم منيح بورق البلاستيك ولما بدك تخبزيهم بتطلعيهم قبل كم ساعة حتى يفك الثلج بس فورا ما تطلعيهم رجعيهم على قالب الكب كيك واخبزيهم فيه وممكن تعملي حلو بعجينة البف تقطعي المربع مثلثين او اربع مربعات وتدهنيهم بيض وتخبزيهم وتفرزنيهم بعلبة ولما تحتاجيهم تطلعيهم قبل ساعة ليدفو وتفنني بتزيينهم شوي بترشي عليهم سكر بودرة وقرفة وشوي تدهنيهم نوتيلا وقطعة فريز وشوي تحشيهم بكريما مخفوقة ورشة كاكاو عالوجه وشوي بترشيهم بنستله وشوكولا هيرشي وسامحيني طولت بس لانو ما بعرف اكتب باختصار يعني عطيتك افكار لاشياء ممكن تتفرزن ويارب اكون افدتك ولاي سؤال انا حاضرة من عيوني

شوفي ياقلبي ؛؛ الرجآل مايحبون الخرآبيط ؛؛ أنت سوي لهم شوربه ؛ وكبسه و صينية مكرونه قواقع محشيه لحم مفروم ؛ وسلطه نوعين وممكن محشي ؛ طبعآ مع السمبوسه نوعين دجآج وجبن ؛وسوي لهم عصير التفآح بالسفن آب يهبل ويواجه و كريمه ومهلبيه وبس ؛؛كثر خيرك ؛؛

مرحبا دلوعة جوجو شوفي

وش بتسوي اتوقع شوفي اعمارهم ادا كانوشباب
سوي حلى وافخاذ دجاج بالتوست وبيتزا وسمبوسه وفطاير خضار واقماع تونه اتوقع كافي لان الاكل كل ماكان خفيف كانت الشهيه مفتوحه ومرتب وادا كان كتير يشبعوا بالنظر

وع فكره في اخر رمضان احس ماياكلو كتير


ولاتتعبي نفسك مره ولا تكثري عشان تبدعي باطباقك

الله يعينك يا اختي
اول شي لازم تحددي عندك بورقه
الحلى_ السلطات_ الشوربات_ الصواني_ المعجنات_ العصائر
وبكذا تكون سفرتك كامله وبدون اي تعب
سويلك الحلى والعصائر والمعجنات والسطات من الليل
وتقومين الصبح بس تسوين الصواني بالفرن والشوربه ..
وبكيفك بطريقة التقديم تحطيها كلها سفره وحده ولا سفرتين لازم تحددي عشان الاطباق اللي بتحطيها..

انا بعطيك انواع وانتي سوي اللي تبي او اذا عندك اي شي معين سويه بس لاتسوين الا نفس العدد اللي ابقولك اياه:
بسم الله نبدأ

اول شي انا اقولك الحلى ويفضل تسوي (2 )
1/ حلى قهوه: حلى الزبادي _ بف باستري بالجبن وتنقطي عليها شيره _ لقيمات_ تشيز كيك وهذا يبيله ساعتين يعني لازم تسوينه من يوم قبل
2/حلى سفره: حلى الكاسات مرره حلو وشكله كشخه _ كريم كراميل_ مهلبيه_ فيه صواني حلى بالمنتدى لاخوات الله يعطيهم العافيه ابحثي عنها
ثاني شي السلطات ويفضل تسوي(2):
عندك خيارات كثير الاحلى تبوله ومعها سلطة المكرونه_سلطه خضرا_سلطةفتة الباذنجان_فتوش_حمص_متبل اوي اي نوع من اللي تعرفيهم..
ثالث شي المعجنات تسوي (4) انواع:
اول شي السمبوسه
وانا بقولك على عجينه مرره حلوه والله انا اللي اسويها وكل اللي يذوقها يقول قطن او انتي براحتك سوي اي شي
كوب حليب بودره_كوبين مويه جافه_ملعقتين خميره فوريه_نصف كوب زيت_فنجال زيت سكر_نصف ملعقه صغيره ملح_
تخلطين كل هالمقادير مع بعض وتخلينهم عشر دقايق مسكر عليهم
وبهاللحظات تجيبين ملعقه كبيره بيكنج بودر +اربع كاسات ونصف دقيق الكويت وتخلطينهم مع بعض وبعدين تحطينهم على الخلطه الاولى وتبدين تعجنين
وبعدين تخلينه ساعه تخمر وبالعافيه..
وتسوي منها:
1/ الأقماع وتحشينهم : بالدجاج اوجبن بالخيار اوتونه مكشنه اللي يعجبك
2/ البيتزا
3/ الزعتر وتخلطين معه زيت زيتون يمي يم >>تعجبني
4/قوارب اللبنه وخوذي طريقتها من المنتدى
5/ النقانق(الهوت دوق) تفردين عجينه عادي وتكونين من قبل سالقه لك حبتين لحم نقانق وبعد ماتجف وتروح مويتها جففيها وحطيه بوسط العجينه ولفيها كنك تحشين اي شي
بعدين ابدي قصصيها حلقات ودخليه الفرن وتطلع مررره حلوه
6/ كروسون الجبن.
وتفرزينهم كلهم وتبدين من بكره تخبزيهم
الافضل لك يا اختي انك تسوي بالحبه والعدد يعني تحددي كل نوع كم حبه بالضبط اسهلك
رابع شي العصائر:
وافضل تجيبي من برا عصائر تروبيكانا او تسوين العصير اللي تبين وتدخلينه بالثلاجه
تانج_ سن كويك_ قمر الدين_ تونو_ فيمتو وحطي عليه عصير ليمونه وحده( سر من اسرار نكهة الفيمتو)

وبس الله يعطيك العافيه انا احب احدد كل شي عشان يسهل علي الشغل
تكونين مسويه كل هالاشياء من الليل..
.................................................,,,,,,,,,,,,,,,,,,,,,...................................................

نجي للأشياء اللي تسوينه بكره

خامس شي الصواني سوي (3) اختاري اللي تبين
صينية التوست_ صينية الخضار_مكرونه بالباشميل ضروري منها_ محشي باذنجان|_ صينية الشاورما_ مسقعه بالباشميل

سادس شي الشوربات(2)
سوي شوربة الشوفان العاديه
وشوربة كنور الجاهزه اللي بالدجاج هذي افضل شي او اي نوع عندكبس انا افضلها
وحطي عليها خبز تكونين من قبل مقصصته مربعات وقاليته بالزيت وحطيه بعلبه بالثلاجه اسهلك
ويقدونس للزينه..

......................................,,,,,,,,,,,,,,,,,,,,,,,,,.........................................
اي سؤال حبيبتي اسألي ولا يردك الا كيبووردك اذا تحتاجين اي وصفه
ارسلي ع الخاص