زهرة النوير ..

الله يجازيك كل خير على معلوماتك الحلوة اللي أفادتني وااااااااااااااااااااااااااااااااااااااااااايد ..

وهذا اللي ناويه أسويه أجهز لها من قبل عشان لا اتصير عندي حوسة وربكه وقت الطبخ ..

يعني اليوم رحت شفت ادوات المائدة وشفت الاشياء الناقصه ..

ورحت رتبتهم على السفرة وحطيت كل شئ مكانه واتخيلت الاطباق شلون بزينها واشنو بسوي فيها ..

وكتبت الاشياء اللي أحتاجها في لسته طووووووووووووويله ... خخخخخخ

ومنتظره منكم بعد الوصفات السهلة عشان أضيف على اللائحة الأشياء اللي بحتاجها ..

الله يجازيك كل خير ويوفقك ويرزقك من نعيمه ورزقه ......... إن شاء الله ..

شكرا جزيلا .......

أختي الله يعينك على الحوسة
يمكن ما اقدر افيدك واجد
لكن ممكن اني اضيف لك وصفة تناسب للغداء وهي لذييييييييييييذة جدا ودائما اسويها في العزايم وأخواني دائما يطلبونها مني فأسويها ليهم يوم الخميس
الوصفة هي ( الرز المدلل )
المقادير :
صحن صدور دجاج مسلوق ويحتفظ بماء السلق
صرة سبنت وصرة تابل والبعض يسميهم ( حشيش و كزبرة )
5 بصلات مقطعة شرائح
5 مكعبات ماجي
3 أكواب ارز بسمتي مغسول ومنقوع في الماء لمدة 20 دقيقة
(ملح - فلفل أسود- كمون مطحون + كزبرة مطحونة)
سماق
مقادير الصلصة : ( كوب جبن سائل الصغير بوك أوغيره - 2 علبة كريمة مخفوقة - فنجان ماء ) تخلط المقادير مع بعض
الطريقة :يحمص نصف مقدار البصل في قليل من الزيت وبعد أن يحمر يضاف له السبنت والتابل المفرومين ثم يحرك ويضاف 5 مكعبات الماجي ويحرك ثم يضاف 6 كوب من ماء سلق الدجاج ويترك حتى يبدأ في الغليان فيضاف له الرز ويترك على النا حتى يتشرب الما ء ثم يوضع نصف الرز في قاع قالب الفرن ثم تضاف خلطة الدجاج ثم النصف الآخر من الرز ثم الصلصة البيضاء ويوضع في الفرن حتى تحمر الطبقة العلوية قليلا .
خلطة الدجاج : يحمص النصف الآخر من البصل ويضاف عليه الدجاج المسلوق والمقطع ويحرك ثم يضاف الملح والفلفل الأسود والسماق ويحرك وتطفأ النار

نسيت أقول ان بعد وضع ماء السلق يوضع قليييييييييل من الملح والفلفل الأسود والكزبرة والكمون المطحون
أرجو اني ما أكون ثقلت عليك
لكن انصحك ان تجربينها لأنها جدا لذيييييييييذة ومطلوبة

*جمانة*

مشكورة يا أختي الكريمة على مساعدتك الكبيرة لي ..

وأنا بأشد الحاجه لمثل هذه الوصفات ..

أتمنى أن أكون عن حسن ظن ضيوفي وأستطيع أن أقدم لهم ما يشتهون ..

شاكرة لك مجهودك الجميل معي ..

هلا غلا الروح ان شا الله ينال العشا استحسانهم
السلطات سوي سلطة فتوش وسلطة زبادي وسلطة حمص كلهم سهلين وأسهل من التبوله...بس لا تضيفين الصوص ( زيت الزيتون والخل والليمون والملح) إلا عند التقديم وسلطة الزبادي قطعي الخيار صغار وبقدونس مفروم وبصل أخضر الراس فقط إذا تبين تضيفينه وكم ورقة نعناع وعند التقديم ضيفي الزبادي وحركي مع الملح والليمون...........وممكن زبادي بالباذنجان جربته وطلع روعه..........
*********************************
الحلويات سوي حلويات عشا من الليل مثل التشيز كيك وعيش السرايا يكفي نوعين .......
وحلويات القهوه سوي نوعين وأنا أسوي بسبوسه روعه طريقة وحده من الأخوات في المنتدى الله يجزاها خير والحلو فيها أحضر النواشف بمقادير معينه وأحطهم في أكياس نايلون الخاصه بتعبئة اللحوم وأحطهم بالثلاجه وإذا بغيت أحضر بس أضيف عليهم 2 قشطه و3/4 كوب زيت وأخلط وأحطهم بالصينيه المدهونه وأحطهم بالفرن الى نص ساعه وأشربه شيره..........وممكن كيك تمر........
******************************
الأطباق الرئيسيه سوي محشي كوسه وبطاطس وباذنجان باللحمه المفرومه الظهر إذا العزيمه بالليل وإذا جت الساعه 6 ونص حطي عليه مويه مغليه وصلصة طماطم وماجي وقطع فلفل بارد للنكهه وفلفل حار وأتركيه ساعه وربع على نار وسط وقصري بالمره بعد كذا حتى ما يبرد............
صينية بشاميل الظهر بعد وحطيها بالثلاجه وسويها المغرب بالفرن................
ورق عنب من اليوم سويه وحطيه بالفريزر بصينيه قصدير بعد ما تحطين طبقة شرايح بطاطس وشرايح طماطم وغطيه بغطا يجي مع هالصواني .....وطلعيه يوم العزيمه الساعه 5 ونص مثلا ودخليه الفرن مع البشاميل بعد ما تحطين عليه عليه مويه مغليه مذوب فيها ماجي وبعد ما يجلس ساعتين بالفرن حطي ليمون وزيت زيتون..............
***************************
ودي لو ساعدتك أكثر وعندي الكثييييييييييييير بس هذا اللي يحضرني حاليا...........وطبعا يرجعلك الأختيار بالأخير يمكن تحبين تحطين أطباق شعبيه مثل المطازيز أو الهريس أو الجريش حسب أختيارك............... وعلمينا بعد العزيمه وش سويتي..........بالتوفيق....