عندي عزيمه لاهل زوجي الخميس ومن جد شايله هم تكفون ساعدوني

وشلون وش تسووين ياقلبي ؟

عادي سووي فطوور .. وقضينا << لاياشيخه : )

تعرفين تطبخين انتي او لا ؟؟

مشكوره عالمرور ايه اطبخ بس ماني عارفه اش الاصناف اللي اسويها وايش الترتيبات الازمه للعزيمه

ذكرتيني بيوم الاثنين اللي طاف بغيت استخف عندي عزيمه مثلك بس الحمد لله بقولك وش سويت(الله لايجعل الدنيا اكبر همنا)من الليل يعني الساعه 11 سويت 3حشوات كودو وحشوه لحم وحشوه خضار مضبوطات ودك تاكلينها على خبزالمهم بعدها سويت حلى سهل وخفيف متعوده اصلحه لي وزوجي من اول رمضان وحلو بس كثرت الكميه طبعا سوي انتي اي حلى عاجبك بعدها سويت الجلي والمهلبيه خلصت هذا كله الساعه 3بعدها حشيت المنتو الكذاب لانه روعه في صينيه كبيره وحطيته بالثلاجه تسحرت وصليت وقلت وصيه الرسول صلى الله عليه وسلم في الذكر اذا كثر الشغل لبنته فاطمه ونمت بعدها والله لايوريك كلها احلام في هالعزيمه (تحمدي بس)صحيت الساعه 9 وحشيت كميه سنبوسه لحم وخضار بعدها حشيت سمبوسه صغيره من ميني سويتز شلت الحوسه كلها وبديت من جديد الساعه 1 وعجنت على بال ماتخمر العجينه ساعه سويت الشربه وقطعت المكرونه وجهزت اغراض الطبخ بعدها من الساعه 2الى 3وربع وانا احشي فطاير لحم وجبن بالخلطه وخضار دخلتهاالفرن سويت السفر والعصير والقهوه والشاهي وجهزت الصواني طبعا في هالفتره ابو الشباب مايلعب يساعدني من بعد ماجاء من الدوام بعد العصر جهزت له حشوه الكودو مع الصلصه والمخلل وعلمته كيف تسوى وكمل الباقي بعدها حط العصيرات طبعا جاهزه وسويت سلطه واهم شي طريقة التقديم عاد بعد المغرب طلعت الفطور الثاني والله يسرها علي وصار الفطور روعه حتى يمزحون البنات معي يقولون متى بتعزمونى مره ثانيه قلت الله يحييكم قالت وحده وش رايك اسكن عندكم بس رمضان وزوجي يقول ان اخوه يقول ماعاد فيه مكان للسحور وعدي لك كم وصيه اهم شي ودايم امي تقولها لي من تزوجت وهي 1)اتعبي وبيضي الوجه لان التعب منسي ويبقى الفعل الطيب2)اهم شي بالمناسبات اتقان الاكل وطريقه تقديمه وااهم شي قبل كل شي صواني التقديم لها دور رهيب يمكن تعبتك بس حبيت اقولك يمكن افيدك وطمنيني عليك

حبيبتي اول شي قدميلهم قهوه وتمر وماء وشوربة وسمبوسه.......... وبعدها يقوموا يصلوا
وبعدها قدمي اطباق رئيسية مثل معكرونة بالبشامل وصينيه بطاطس ودجاج بالفرن ..تشريبه وهريس
وطبعا سوي نوعين من السلطات مثل ماقالت (فدى) تبوله وسلطه خضار....وسوي ايدام نوع واحد ياباللحم او الخضار+ خبر جباتي براتا تلقينا جاهز بالسوبر ماركت اسمه(سنبله) طعمه يجنن
وبعدها لما يخلصون,,,,,,,,,
طبعا" حلاااااااااا مثل بسبوسه وكرميل وقيمات واشياء انتي تضبطينها
وخلاااااااااااص والله يساعدك /////// اتمني اني عطيتك افكار تنفعك
وارجوج ادعيلي الله يسهل ولادتي

الله يعطيك العافيه ابغاك تعطيني طريقه دجاج تندوري