عندي عزيمه ومحتاااااااااره في المنيو!!! شوفوا وش بسوي وعطوني رايكم..

ماشاءالله عليك
مافوق تنظيمك وتخطيطك كلام

المنيو اللي اخترتيه ماشاءالله كثير ومنوع ولذيذ وحلوووو
الله يعطيك الصحه والعافيه
ويتمم عليك العزيمه على خير ويجملها وتكون احلى واروع عزيمه

وانا بس راح اقترح إقتراح واحد
ان كان من المعازيم حريم كبار وبما ان الجو الحين صار بارد
يمكن يكون احسن لو حذفتي صينيتين اوصينيه واستبدلتيها بطبق شعبي ..مثلاً
جريش او سليق او مطازيز او قرصان ..الخ
وانتي براحتك ..

موفقه يالغلا

تسلمين ياعمري..اختي وشلون مااغليك

هذا من ذوقك وفكرتك في محله وان بعد فكرت فيها بس وحده م لجارات الله يوفقها
تزهلت لي باالجريش وهي مشهوره فيه ماشاء الله لا يعلى عليه
عشان كذا قلت يكفي طبق واحد شعبي لان حنا ترى ماجانا البرد لسه الحر ذبحنا بجده

وين الباقين؟؟؟؟؟؟؟


وياليت اذا عندكم اقتراح للتقديم مع القهوه تدلون بآرائكم...ومشكورين مقدما

ماشاء الله تبارك الله منيو مره حلووو وبالعافية على قلوبكم
بالنسبة للقهوة
لو تبغي من برا عبي تبسي شوكولاتة م شوكولاين أو باتشي أو أنوش
وتبسي تمر من تالا


واذا بتسوي الحلى أنتي
جيبي تبسي كبير وسوي ثلاثة أنواع حلى وحطيها في ورق بليسيه ورتبيها
اقترح عليكي حلى الماركة وطبعا معروف
حلى الكريسبس(تسيحي جالكسي في حمام مائي وتحطي عليه شوية زبدة ولما يسيح تحطي عليه الكوكو بوبس<رايس كريسبس وتشكليه فأي قالب عندك ولو ماعندك في قوالب الثلج أو في قصدير وعالفريزر
بسبوسة محشية قشطة وزينيها فستق ولو ماعندك طريقتها أكتبها لك
وحطي معاهم تمر
وأي سؤال أنا في الخدمة..

الله يعافيك حبيبتي ..في قلوب اربعه تسلمين ياقلبي ماتقصرين
يعني اكتفي بهذي الاطباق ماازيد عليها شي
في رايكم تكفي ؟؟

اما حلى القهوه انا راح اشتري شكولاته مثل ماقلتي ان شاء الله+ جوزبه

وراح اسوي حلى ثاني معاه بس ابغاه سهل بدون شوك ولا ملاعق وصحون عارفه
ماابي ازيد الشغل عليه عشان لما يجون الضيوف اكون مرتاحه بس البنات يدورون بالحلى وانا علي القهوه..

ماشاء الله عليك منيو حلو ومنوع والاصناف كثيره تكفي وزياده