يالله انك تحييهم تبارك فيهم يارب هلا هلا
والله ارحبوا القهوة جاهزة اقلطن اقلطن ياولد هات القهوة لعماتك
الحين بعد ماتقهويتن وياعساها منازيل العافيه << عاد سلكوا الترحيب في ديرة وهي في ديرة
الحين يابنات انا بشتكي لكن من عضو جااااف جااااااااف لدرجه ماتتصورونها الله لايوريكم كيف بس ومدري كيف اسنعه واعدله والله اني تعبت معاه كل مرة اقول بكرة وبكرة ورى بكرة ورى بكرة صارت شهر ولا تعدل ولاتسنع زي ماهو والله انه اذا تعدل يالله انه قال كلمه وحده في اليوم او كلمتين ولا على طول ترتفع درجه حرارته ويسخن حتى من خلف الكواليس << الجوال والله انه يصير يرتعد من شدة الخوف ولا بعد ما يزور هذا القسم ويشوف اللي تبكي من زوجها واللي زوجها طاقه واللي مقهورة من زوجها مايمشيها زين << :35: وعاد شوفي باقي المواضيع اللي تخلي العقل الباطني يجلس يسجل ايه من هنا من هنا وهذه ضربها وهذه شاكه وهذه خونها تعالي شوفي كيف يزيد الحقد اكثر واكثر ويجف العضو هذا زياده لكن فيني وفين وحده تدخل وتونسنا بموضوع جميل والا تعطينا موضوع هادف تحسين انك تسترجعين جعبتك وتبدئين تفكرين في اسلوبك وتتسنعين لكن كلها يوم او 12 ساعه ويرجع الوضع زي ماكان يعني يعني من كثر ما اقرا في القصص والله لو يختبروني في اشياء تنرفز الزوج اجيب 100 من 100 لكن لو اختبروني في اشياء حلوة ترضي زوجك وتونسه اظن 50 في الميه ماعلينا نرجع لموضوعنا الحين بالله من عندها نفس حالتي وتشتكي من جفاف ذا العضو تبون تعرفن من هو
(( اللسان )) الكلام الحلو الدعاوي الحلوة والله يابنات اني استحي ادعي لزوجي في وجهه واني اسحي اقول له حبيبي ومن ذي الكلمات رسايل تعالي شوفي الشطارة لكن وجه لوجه يؤؤؤؤ ما اقدر وليتني توي متزوجه لاوالله ل 4 سنوات مدري متى بتسنع واعتدل وامطر عليه سيل عالي من الكلمات الجميله واترك عني القلق والنكد
انتووا بالله مريتوا بزي كذا حاله وبعدين تعدلتوا وكيف قدرتم تعدلون هذا العضوو الضغير الجميل وادري طولتها وهي قصير لكن فاضيه مع الظهريه ونزلت لكم ذا الموضوع لعلي استفيد شي وانتم ماراح تقصرون اعرفكم عسولات :27:
شموخي غير1 @shmokhy_ghyr1
عضوة نشيطة
يلزم عليك تسجيل الدخول أولًا لكتابة تعليق.
بسمة أهلها
•
والله وانا اختك هالعضو أحيانا يصير عندي ينقط عسل وأحيانا يصير جاف جفاف الربع الخالي ويكثر مايصير جاف ... عجزت أخليه رطب طوال العام وإن شاء الله البنات يفيدوني ويفيدونك . وشكرا على الموضوع الرائع
a.s.r
•
ياقلبي نفس حالتك وفي العيد بكمل 4سنوات
تدرين حتى اسمه ما اناديه استحي والكلام الحلو والدعاوي استحي ..ليه ماادري؟؟
اتمنى نلقى احد يساعدنا
تدرين حتى اسمه ما اناديه استحي والكلام الحلو والدعاوي استحي ..ليه ماادري؟؟
اتمنى نلقى احد يساعدنا
طاقية
•
ههههههه راح بالي بعييييييييييد هههههههه والله كثيييييييير نعاني وكمان فاقد الشئ لالالالالايعطيه
الصفحة الأخيرة