الله يهديك بس وش استفدتي لما نزلتي ذا الموضوع وطلعتي اللي بقلبك
مو كل الناس بتفهم احساسك صح
الاغلبيه بينتقذوك حبيبتي
مو كل اللي بالخاطر ينقال
خلي اللي بالقلب بالقلب
وتجنبي اي شي يزعجك
كل التطبيقات فيها بلوك
حطي تجاوز لستورياتهم ولاتشوفيها اذا الامر يتعبك
والله يرزقك بالزوج الصالح بس لاتسوين مثلهم خليك أعقل وفكري في اللي كنتي تفكرين فيه وانتي عزباء وتذكري ان العين حق ..وداري علئ اسرار وخصوصيات بيتك
دايماً تذكرين هالكلمتين كثر التباهي نقص👍🏻

مسكينه والله
انتي مستوعبه ان نصهم يصورون وينشرون جكاره في بعض ؟
وبمعنى اخر مجرد استعراض قدام الناس
يعني حالهم من حالك عندهم مشاعر نقص وغيره من فلانه وعلانه وجالسين يقلدون بعض يتسابقون في النشر كأنهم ضراير كل وحده تبي تبين انها مو ناقصها شي وانها عايشه احلى من عيشتك يافلانه ياللي تنشرين
مثل سوالف بعض البنات اللي يتسابقون في اللبس والزينه وشراء احدث واجدد الاشياء ويصورونها وينشرونها استعراض
تعوذي من الشيطان واتركي عنك مراقبة حياة الناس
حتى لو انهم اقاربك شي يضيق خاطرك ويكدرك اسحبي عليه
عالم البنات العازبات مختلف كلياً عن عالم المتزوجات ليش تقحمين نفسك في عالمهم وسوالفهم وتسابقهم مع بعض

الناس مالهم الا الظاهر لايغرك بس ..

الله يهديهم

خذيها قاعده المبسوطه ما تصور

المبسوطه ماتصور

ولا تطلع عن حياتها شيء

واللي تصور تبي تثبت شيء هي فاقدته اساسا