عندي فقع ولا اعرف اسويه

آآآآآآآآآآآآآه فقع...ياحسره مايانه مطر السنه في البحرين...

عليكم بالعافيه مقدما...حبيبتي الفقع تغسلينه عدل لأنه يمكن يكون فيه شوية حصى من الارض...ثانيا مكن تبهرينه بملح وفلفل اسود وتقلينه يطلع ((خبـــــــــال)) :oوينحط على الوجه في صنية الرز مثلا...

او انك طبخينه في مااااء وملح لين يطرى وعيكم بالعافيه احنا بالنسبه لنا مانحب ناكل الفقع الا بروحه بدون رز وغيره عشان الواحد يتلذذ

فيه لأن احس يروح مذاقه وتروح نكهته المميزه اذا انحط مع رز وانطبخ وياه...

عفوا اذا ماكان ردي هو المطلوب ماحبيت ادخل واطلع بدون رد...:26:

ينقل من الساخنة الي أطباق عالم حــــــــــواء

مشكوره حبيبتي محبة المصطفى واللله كافيني مرورك وردك ياقمر

يالله بنات وين الردود

عزيزتي Sarab هذه طريقة لعمل كبسة الفقع كثير لذيذة جربيها وادعيلي .


- ننقع الفقع بماء بارد لمدة لا تقل عن خمس ساعات على شان بسرعه يتنظف ويتقشر بسهوله .

المقادير :-

3 كيلو فقع
لحم خروف
4 كاسات رز ( منقوع بماء ساخن لمدة نصف ساعة )
بصل كبار مفروم
زيت
ماء مغلي
كركم وكاري وملح وفلفل اسود ولومي مطحون ودارسين عدل وقرنفل صحيح
ملعقة سمن

الطريقة:

- نضع اللحم مع ثلاث ارباع كمية البصل بالزيت ورشة كركم وكاري و نقلب على نار هادية وكلما زاد التقليب صارت النكهه أحلى بس لا يحترق قاع القدر بعد التقليب نسكب الماء المغلي والفقع والدارسين والقرنفل الملح ونتركه على النار حتى الاستواء .

- وبعد ما يستوي اللحم نصفيه ونشيل اللحم على جنب والفقع لحال والمرق لحال ناخذ باقي البصل ونحمسه بمقلاة وبس يتغير لونه شوي نحط عليه الفقع المسلوق ونحمسه ونرش عليه الفلفل الاسود واللومي المطحون .


- نحط شوية زيت بقدر لمن يحمى نصب عليه الرز المصفى من الماء ومرق اللحم ونحط اللحم على جنب .والفقع عليه ونغطي القدر على نار هاديه لمدة لا تقل عن نص ساعه الى ساعه على شان يتشرب الرز ريحة الفقع بالفلفل الاسود واللومي . و رشة سمن من فوق بس للريحه ملعقة وحده .

















بالهنا والعافية

مشكوره حبيبتي عطر من جد الطريقه شكلها روعه ابسويها وادعيلك