اليوم بقولكم فكره بسيطه
جربي مره تحطينه له رساله بمخباته او بسيارته ولما يطلع دزي له مسج وقوليله عن مكان الرساله
وبين فتره وفتره سويها له
بس الله الله بالكلام الحلو :27:

واذا تبين يرد من الدوانيه مبجر مثلا اهو يروح الدوانيه كل خميس او كل اربعه قوليله
كل خميس او كل اربعه بسوي لك ليله رومانسيه عشى و .........:21:
وطبعا انتي سوي العشى الي يحبه بس مو شرط يكون دسم عشى خفيف او حتى مرات تقدرين تطلبين ومع كيكه او حلو او ايس كريم اختاري واحد منهم او كل اسبوع سوي شي
وزهبي العاب يحبها او اي العاب تكون حلوه اونو او مونوبولي الخ
وعقب العشى قعدوا لعبوا او مرات قعدوا شوفوا صور زواجكم وعلقوا عليهم
او تقدرين تتسرين البانيو وتحطين رغوه وتتسبحون مع بعض اشتري لج مايوه حلو ولبسيه
واذا استانس كل اسبوع تلقينه متلهف يرد بسرعه وطبعا انتي دزي له مسجات للتشويق
:27:
شرايكم بنوتات:23:

ههههههههههه عجبتني الفكره

تسلمين حبيبتي

الله يسلمج حبيبتي:27:

حبيبتي ISHQ هاهاهاهاها فكرتج حلووووة والله

الله يهديلكم رياييلكم يا بنااات والريال مثل الطفل يفرح من أي شي يديد و غريب

مو معقوولة لو كان شي مرتب و حلوو بيعلق مثل هالتعليقاات أو ماراح يهتم

مشكوورة حبيبتي و ننتظر المزيد :)

أنا قاعده أخزن الأفكار عندي و أعطيهم حق خواااتي إستانسوو عليهم حييل ;)

حلوة مرة ههههههههه